پاکستانی شوبز انڈسٹری کے معروف اداکار منظر صہبائی اور نامور اداکارہ ثمینہ احمد نے رواں ماہ 4 اپریل کو نکاح کرکے اپنی زندگی کے نئے سفر کا آغاز کیا تھا
باغی ٹی وی : پاکستانی شوبز انڈسٹری کے معروف اداکار منظر صہبائی اور نامور اداکارہ ثمینہ احمد نے رواں ماہ 4 اپریل کو نکاح کرکے اپنی زندگی کے نئے سفر کا آغاز کیا تھا اپنے نکاح کا اعلا ن انہوں نے سوشل میڈیا پر کیا تھا ان کے اچانک نکاح نے تمام مداحوں کو خوشگوار حیرت میں مبتلا کر دیا تھا مداحوں نے خوشی کا اظہار کرتے ہوئے جوڑے کو نیک تمناؤں اور دعاؤں سے نوازا تھا
https://www.instagram.com/p/B_Kg4S7p0xZ/?igshid=11z4ekfc37ob
تاہم اب منظر صہبائی نے ایک تصویر سوشل میڈیا ویب سائٹ پر شئیر کی ہے جس میں وہ اپنی اہلیہ ثمینہ احمد کو انگوٹھی پہنا رہے ہیں تصویر شئیر کرتے ہوئے کیپشن میں اپنے مداحوں کا شکریہ ادا کرتے ہوئے لکھا کہ ہم نے 4 اپریل 2020 کو نکاح کیا تھا ہم اپنے پاکستان اور دنیا بھر میں موجود مداحوں اور دوستوں کا شکریہ ادا کرتے ہیں جنہوں نے ہمیں دعاؤں نیک تمناؤں اور اچھی خواہشوں کا اظہار کرتے ہوئےاتنا پیار دیا
— samina ahmed (@saminatv) April 19, 2020
دوسری جانب سماجی رابطے کی ویب سائٹ ٹویٹر پر اداکارہ ثمینہ احمد نے بھی پاکستان سمیت دنیا بھر میں اپنے مداحوں اور خیر خواہوں کا شکریہ ادا کیا
جوڑے کی ان پوسٹس کے جواب میں مداحوں نے تعریف بھرے کمنٹس کئے ہمیشہ خوش رہنے ساتھ رہنے کی دعائیں دیں اور جوڑے کو 2020 کا حسین ترین کپل قرار دیتے ہوئے کورونا کے زمانے کی ایک مثبت اور خوشخبری بھری خبر قرار دیا
