سانحہ پی آئی سی، وکلاء کی ضمانت منسوخی کی درخواست پر عدالت نے کیا کہا؟
باغی ٹی وی کی رپورٹ کے مطابق سانحہ پی آئی سی ،وکلا ضمانت منسوخی کی درخواست پر عدالت نے اعتراض عائد کر دیئے
لاہورہائیکورٹ میں پی آئی سی حملہ میں وزیراعظم کے بھانجے حسان نیازی سمیت8 وکلا کی ضمانت منسوخی کی پنجاب حکومت کی اپیل پر رجسٹرار آفس نے اعتراض عائد کر دیا،رجسٹرارآفس نے وکلاکےخلاف درج ایف آئی آرکی مصدقہ کاپی نہ لگانے کا اعتراض کیا ،
لاہور ہائیکورٹ کے رجسٹرارآفس کے اعتراض کے باعث پنجاب حکومت کی اپیل سماعت کےلئے مقرر نہ ہوسکی. حکومت کی جانب سے اعتراض ختم کرنے کے لئے دوبارہ کاغذات جمع ہوں گے جس کے بعد درخواست پر عدالت میں سماعت ہو گی.
لاہورہائیکورٹ میں پی آئی سی حملہ کیس کے 8 ملزمان کی ضمانت منسوخی کے لیے رجوع کر لیا گیا،حکومت پنجاب نے حسان نیازی سمیت 8 ملزمان کی ضمانت منسوخی کےلیےاپیل دائر کردی
سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر
الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل
سانحہ پی آئی سی، وزیراعلیٰ پنجاب عثما ن بزدار کی طلبی ہو گئی
سانحہ پی آئی سی، نقصان کی ابتدائی رپورٹ جاری،کتنے کروڑ کا نقصان ہوا؟
سانحہ پی آئی سی،وکلاء نے حملہ کیوں کیا؟ عدالت میں ایسا انکشاف سامنے آیا کہ جج بھی دنگ رہ گئے
زین عباس،علی جاوید،عبدالمجید،مزمل حسین،عابدناز،اسامہ معاذ اور نعیم قمر کی ضمانت منسوخی کی بھی اپیل دائر کی گئی ہے،حکومت پنجاب نے لاہور ہائیکورٹ میں دائر درخواست میں موقف اپنایا کہ ملزمان نے 100 سے زائد وکلا کے ساتھ مل کر پی آئی سی پر حملہ کیا،وکلانے ڈنڈوں اور سوٹوں سے لوگوں کو تشدد کا نشانہ بنایا اور توڑ پھوڑ کی،عدالت نے حقائق کو نظر انداز کرکے ملزمان کی ضمانتیں منظور کیں،پی آئی سی پر حملے سے متعدد مریض جان سے گئے اور ان کا علاج متاثر ہوا، عدالت پی آئی سی حملے کے ملزمان کی ضمانتیں منسوخ کرنے کا حکم دے،
سانحہ پی آئی سی میں وزیراعظم عمران خان کے بھانجے حسان نیازی بھی شامل تھے جن پر سوشل میڈیا پر طوفان اٹھنے کے بعد مقدمہ درج کیا گیا اور انکی گرفتاری کے لئے چھاپے مارے گئے تا ہم وہ روپوش ہو گئے اور بعد ازاں عدالت سے ضمانت کروا لی، ایک سماعت پر عدالت نے ضمانت کی درخواست مسترد کر دی تھی تا ہم اگلی پیشی پر حسان نیازی نے خود پیش ہو کر عدالت سے معافی مانگ لی تھی
