سینکڑوں فلسطینیوں کو شہید کر کے بھی اسرائیلی وزیراعظم کا کلیجہ ٹھنڈا نہ ہوا

سینکڑوں فلسطینیوں کو شہید کر کے بھی اسرائیلی وزیراعظم کا کلیجہ ٹھنڈا نہ ہوا

باغی ٹی وی : سینکڑوں فلسطینیوں کو شہید کر کے بھی اسرائیلی وزیراعظم کا کلیجہ ٹھنڈا نہ ہوا۔اپنی حوس کو بیان کرتے ہوئے کیا کہہ دیا

غاصب ریاست کے وزیراعظم بن یامین نیتن یاہو نے اپنی مسلم دشمنی کا اظہار کرتے ہوئے کہا ہے کہ . غزہ پر بمباری اس وقت تک جاری رہے گی جب تک ضرورت ہو گی۔

اسرائیلی فضائیہ نے رات گئے حماس رہنما کے گھر پر حملہ کر کے ایک اور عمارت کو زمین بوس کر دیا، میزائل حملے سے میڈیا ہاؤس بھی تباہ ہو گیا۔

ظالم اسرائیل کی غزہ پر بربربیت جاری ہے. اس انسانیت سوز بمباری میں 41 بچے شہید ہوچکے ہیں. جس کے بعد شہدا کی تعداد 154 ہو گئی۔ اقوام متحدہ کی سلامتی کونسل نے صورتحال کا جائزہ لینے کے لیے اجلاس بھی طلب کر رکھا ہے۔

عالمی حکمرانوں کی بات چیت، امن کے مطالبات کام نہ آئے، دہشت گرد ریاست اسرائیل کے غزہ پر حملے جاری ہیں۔ صیہونی فورسز کے ایک اور حملے میں مزید 13 فلسطینی شہید ہو گئے، متعدد زخمی بھی ہوئے۔

دوسری جانب چین نے فلسطین پر چڑھائی پر تشویش کا اظہار کیا، اقوام متحدہ میں چینی سفیر نے کہا کہ اقوام متحدہ کو اب قدم اٹھانا چاہیے اور سخت پیغام دینا چاہیے۔

اس سے پہلے سلامتی کونسل کا ہونے والا اجلاس امریکا نے ملتوی کرادیا تھا اور اسرائیل نے اس سے فائدہ اٹھا کر غزہ پر مزید بمباری کی اور ان حملوں سے بڑے پیمانے پر تباہی پھیلا دی ہے.