شوبز انڈسٹری کی باصلاحیت اداکارہ سارہ خان نے اپنے مرحوم والد کے لیے سوشل میڈیا پر جذباتی پیغام جاری کیا ہے۔
باغی ٹی وی : سارہ خان نے سماجی رابطے کی ویب سائٹ انسٹاگرام پر ایک پینٹنگ کی تصویر شیئر کی ہے جس میں بچے اپنے والدین کے ساتھ کھیلتے نظر آرہے ہیں اور تصویر میں بہت خوش ہیں-
اداکارہ نے تصویر شیئر کرتے ہوئے کیپشن میں لکھا کہ اس پینٹنگ کو جنت کا پہلا لمحہ کہا جاتا ہے۔
اُنہوں نے جذباتی انداز میں والد کو یاد کرتے ہوئے لکھا کہ میں اُس دن کا انتظار نہیں کر سکتی کہ جب ہم انشاء اللہ دوبارہ ایک ساتھ ہوں گے۔
سارہ خان نے اپنے تمام چاہنے والوں سے اپیل کرتے ہوئے کہا کہ براہ کرم میرے والدین کو اپنی دُعاؤں میں لازمی یاد رکھیں۔
واضح رہے کہ سارہ خان کے والد دو روز قبل یعنی جمعے کی رات انتقال کرگئے تھے۔
اس سے قبل فلک شبیر نے اپنے تصدیق شدہ انسٹاگرام اکاؤنٹ پر اسٹوری میں خصوصی پیغام جاری کیا تھا فلک شبیر نے اپنی انسٹا اسٹوری میں کہا تھا کہ مجھے یہ کہتے ہوئے شدید دُکھ اور افسردگی کا احساس ہورہا ہے کہ میرے پیارے سُسر جی اب اس دُنیا میں نہیں رہے۔
گلوکار نے کہا تھا کہ بابا سارہ خان،میرے لیے اور ہماری فیملی کے لیے اللّہ تعالیٰ کی ایک بہت بڑی نعمت تھے۔
اُنہوں نے کہا تھا کہ میری دُعا ہے اللہ تعالیٰ بابا کی مغفرت فرمائے اور اُنہیں جنت الفردوس میں اعلیٰ مقام عطا کرے آمین۔
یاد رہے کہ رواں سال 17 جولائی کو اداکارہ سارہ خان اور نامور گلوکار فلک شبیر رشتۂ ازدواج میں منسلک ہوئے تھے اور سوشل میڈیا صارفین کی جانب سے شوبز انڈسٹری کی اس جوڑی کو 2020ء کی بہترین جوڑی قرار دیا گیا تھا۔
