شراب فروشی کی بڑی کوشش ناکام

سرگودھا:تھانہ کینٹ پولیس کی کاروائی،نیوائیر نائٹ کے موقع پر شراب سمگلنگ کی بڑی کوشش ناکام، بدنام زمانہ منشیات فروش رنگے ہاتھوں گرفتار، 1040لٹر شراب برآمد*
سرگودھا: ڈسٹرکٹ پولیس آفیسر ڈاکٹر رضوان احمد خان کی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ کینٹ انسپکٹر عبدالمجید نے اسسٹنٹ سب انسپکٹر فیاض احمد ودیگر ملازمان پرمشتمل ٹیم کے ہمراہ ویگن اڈا47شمالی ریڈ کرکے بدنام زمانہ منشیات فروش وقاص مسیح کو شراب سمگل کرتے ہوئے رنگے ہاتھوں گرفتارکرلیا ہے۔اس سلسلہ میں تھانہ کینٹ میں پریس کانفرنس کا انعقاد کیا گیا جس میں ڈی ایس پی سٹی سرکل محمد عثمان نے صحافیوں کو تفصیلات سے آگاہ کرتے ہوئے بتایا کہ گرفتارملزم کے قبضہ سے 1040لٹر شراب برآمد ہوئی ہے ملزم نے یہ کچی شراب نیوائیر نائٹ کے موقع پر مختلف علاقوں میں سپلائی کرناتھی۔ انہوں نے مزید کہا کہ ملزم قبل ازیں بھی منشیات فروشی کے مقدمات میں چالان ہوچکا ہے ملزم خلاف منشیات فروشی کی دفعات کے تحت مقدمہ درج کرلیا گیا ہے ملزم سے مزید تفتیش جاری ہے جس کے مزید انکشاف سے بڑی کاروائی متوقع ہے۔انہوں نے کہا کہ منشیات کا استعمال اور اس کا فروخت کرنا سنگین جرم ہے منشیات فروشوں کے خلاف کریک ڈاؤن جاری رہے گا۔شہریوں سے گزارش ہے کہ وہ اس لعنت پر قابو پانے کیلئے پولیس کا ساتھ دیں اور کسی بھی ایسی سرگرمی کی اطلاع فوری پولیس کو دیں اسکے ساتھ ساتھ والدین کو چاہیے کہ اپنے بچوں پر کڑی نظر رکھیں اور کسی بھی ایسی سرگرمی میں ملوث ہونے پر فوری سدباب کریں ہم سب نے ملکر معاشرے کو منشیات سے پاک کرنا ہے۔ڈی پی او سرگودھا نے ایس ایچ او تھانہ کینٹ اور انکی ٹیم کو منشیات فروش کے خلاف بڑی کاروائی کرنے پر شاباش دی