moulana
تازہ ترینلاہور

سعودی عرب فلسطین مسئلے کے حل کے لیے قائدانہ کردار ادا کرے، مولانا فضل الرحمن

1 سال قبل
1 سال قبل

جمعیۃ علماء اسلام کے سربراہ مولانا فضل الرحمن نے کہا ہے کہ فلسطینی جس دردناک صورتحال کا سامنا کررہے ہیں وہ ہم سے وحدت و اتفاق کا تقاضا کرتی ہے آج فلسطین میں قابض صہیونی قوت عالمی طاقتوں کی پشت پناہی سے انسانی اقدار کو پامال کررہی ہے، بچوں، عورتوں، بیماروں اور بوڑھوں کو قتل کیا جارہا ہے ان پر ظلم و تشدد کے غیر انسانی طریقے اختیار کیے جارہے ہیں، اور ان کا سخت ترین محاصرہ کیا جارہا ہے ایسے میں امت مسلمہ کی شرعی اخلاقی اور انسانی ذمہ داری اور فرض ہے کہ وہ ان کے تحفظ کے لیے ضروری اقدامات اٹھائے۔ فلسطین مسلمانوں کی سرزمین ہے جس کا ہم پر حق ہے مسجد اقصیٰ کا ہم پر حق ہے فلسطینیوں کا ہم پر حق ہے ہمیں ان حقوق کی ادائیگی کے لیے کمربستہ ہونا ہوگا۔ اسرائیل جس طرح امریکا کی پشت پناہی سے انسانی حقوق پامال کررہا ہے اس کے بعد امریکا کیسے دنیا کے سامنے انسانی حقوق کی بات کرسکتا ہے،

مولانا فضل الرحمن مکہ مکرمہ میں رابطہ عالم اسلامی کے زیر اہتمام مسالک کے مابین وحدت کے عنوان سے بین الاقوامی کانفرنس سے خطاب کررہے تھے جس میں دنیا بھر سے علماء اور دانشوروں نے شرکت کی، انہوں نے کہا کہ آج امت مسلمہ کو وحدت کی ضرورت ہے ہم دنیا بھر کے مہمانان گرامی سے کہا کہ ہمیں مسالک کے درمیان پل بننے کی ضرورت ہے ہم اپنے رویوں کی اصلاح کریں، اعتدال اختیار کریں اور افراط و تفریط سے اجتناب کریں اختلاف کے اظہار کے لیے نرم رویے اختیار کریں تو وحدت کی طرف بڑھا جاسکتا ہے۔ انہوں نے کہا کہ سعودی عرب آگے بڑھ کر قائدانہ کردار ادا کرے اور امت مسلمہ کا مشترکہ فورم قائم کرکے مشترکہ دفاع کا راستہ اختیار کرے تاکہ ہم منظم ہوکر دشمن کا مقابلہ کر سکیں ورنہ ہر اسلامی ملک کو عراق، لیبیا، افغانستان اور شام جیسی صورتحال کا سامنا کرنا پڑسکتا ہے اور ایک ایک کرکے ہمارا گلا دبایا جاتا رہے گا۔ انہوں نے کہا کہ ہمیں غیر ضروری امور میں الجھایا جارہا ہے جس سے امت مسلمہ کے بجائے عالمی طاقتوں کا مفاد وابستہ ہے ہمیں پوری دانشمندی سے اپنے راستے کا تعین کرکے امت مسلمہ کو مسائل سے نکالنا ہے اور مظلوم فلسطینیوں کا پشتیبان بننا ہے۔ کانفرنس میں جمعیت علمائے اسلام پاکستان کے مرکزی جنرل سیکریٹری مولانا عبدالغفور حیدری ، مولانا راشد سومرو محمود، مفتی ابرار احمد بھی شریک تھے۔

ہمیں فخر سے آزادی حاصل کرنے کے الفاظ کو استعمال کرنا چاہیے، چیف جسٹس

یہ کس قسم کے آئی جی ہیں؟ان کو ہٹا دیا جانا چاہئے،چیف جسٹس برہم

چیف جسٹس اور ریاستی اداروں کے خلاف غلط معلومات کی تشہیر، ایف آئی اے حرکت میں آ گئی

طلال چوہدری ،عائشہ رجب علی کو ٹکٹ نہ ملنے پر "تنظیم سازی” سوشل میڈیا پر زیر بحث

سماعت سے محروم بچوں کے والدین گھبرائیں مت،آپ کا بچہ یقینا سنے گا

سوشل میڈیا پر فوج مخالف پروپیگنڈہ کےخلاف سینیٹ میں قراردادمنظور

سوشل میڈیا پر نفرت انگیز مواد کی تشہیر،یورپی ممالک سے 40 پاکستانی ڈی پورٹ

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

ٹیگز:
Shares:

مزید خبریں