سعودی عر ب کی وزارت اطلاعات نے پہلی دستاویزی فلم ریلیز کر دی جس میں کنگڈم میں کورونا وائرس وبائی امراض کے خلاف جنگ میں فرنٹ لائن کارکنوں کے کردار کو اجاگر کیا گیا ہے۔
باغی ٹی وی : سعودی عر ب کی وزارت اطلاعات کی ریلیز کردہ پہلی دستراویزی فلم دشوار مرحلہ کوریاض کے اے ایم سی سینما گھر میں دکھایا گیا۔
غیر ملکی ویب سائٹ العریبیہ کی رپورٹ کے مطابق یہ دستاویزی فلم انسانی کہانیوں کا مجموعہ ہے جس میں کورونا وائرس کی وبا سے نمٹنے کے لیے ہرطرح کی قربانیاں دینے والے فرنٹ لائنرز اور ہیلتھ ورکرز کی قربانیوں پر روشنی ڈالی گئی ہے۔
سعودی عرب کے سیکریٹری ابلاغ عبداللہ المغلوث نے کہا کہ دستاویزی فلم قائم مقام وزیر اطلاعات ڈاکٹر ماجد القصبی کی ہدایت پر تیار کی گئی۔
— وزارة الإعلام (@media_ksa) September 20, 2020
اس دستاویزی فلم کے واقعات کی ریکارڈنگ اور منظر کشی کو سعودی عرب کے قائم مقام وزیر برائے میڈیا ڈاکٹر ماجد القصبی کی ہدایت اور جی سی جی کی نگرانی میں 75 دن میں تیار کیا گیا ہے-
رپورٹ کے مطابق فلم کی تیاری میں 70 سے زیادہ سعودی نوجوان شریک ہوئے فلم کی عکس بندی 5 علاقوں میں کی گئی جہاں عالمی وبا کے باعث نافذ کئے گئے کرفیو کے دوران کے مناظر ریکارڈ کیے گئے۔
واضح رہے کہ مملکت میں مجموعی طور پر 329،754 کورونا وائرس کے کیسز ہیں۔ اتوار کے روز تک، ملک میں پانچ مہینوں میں سب سے کم روزانہ COVID-19 کیس رپورٹ ہوئے۔
جبکہ گذشتہ ہفتے ، سعودی عرب نے کورونا وائرس پھیلنے پر قابو پانے کے لئے مارچ کے اوائل میں رکھے گئے تمام بین الاقوامی سفر پر عائد پابندی ہٹا دی تھی ۔
