سعودی عرب نے اقامہ رکھنے والے پاکستانیوں کو خوشخبری سنادی:جلدی آئیں ، جلدی جائیں‌

ریاض :سعودی عرب نے اقامہ رکھنے والے پاکستانیوں کو خوشخبری سنادی:جلدی آئیں ، جلدی جائیں‌ ،اطلاعات کے مطابق سعودی عرب نے کورونا ویکسین کی دونوں خوراکیں لگوانے والےغیر ملکیوں کو مملکت واپس آنے کی اجازت دے دی ہے۔

نئے حکم نامے کے بعد پاکستان سمیت سفری پابندی کا شکار دیگر ممالک کے ایسے شہری جو سعودی عرب میں برسرروزگار ہیں یا ان کے پاس سعودیہ کا رہائشی اجازت نامہ’اقامہ’ موجود ہے وہ واپس سعودی عرب جاسکتے ہیں بشرطیکہ انہوں نے سعودی حکومت کی منظور شدہ ویکسین کی دونوں خوراکیں لگارکھی ہوں۔

ادھر پاکستانیوں کو یہ ریلیف دینے پر سعودی دارالحکومت ریاض میں پاکستانی سفارت خانے نے پاکستان سے براہِ راست سعودی عرب سفر کی اجازت کا خیر مقدم کیا ہے ۔

سفارت خانہ پاکستان ریاض ،سعودی حکومت کے فیصلے کا خیر مقدم کرتا ہے، جس کے تحت پاکستان سے سعودی عرب کے لۓ براہ راست فلائٹس بحال کر دی گئ ہیں، غیر منقضیہ سعودی اقامہ مالکان کے لۓ اور ایسے افراد کے لۓ جنہوں نے سعودی عرب سے خروج سے قبل کرونا ویکسین کی ۲ ڈوز لگوا رکھی ہیں۔ https://t.co/OedSLxO06F

— Pakistan Embassy Saudi Arabia (@PakinSaudiArab) August 24, 2021

ایک بیان میں پاکستانی سفارت خانے نے کہا ہے کہ سعودی حکومت نےنافذ العمل اقامہ ہولڈرپاکستانیوں کوبراہ راست پروازوں سے داخلےکی اجازت دے دی ہے،جو لوگ سعودی عرب سے جانے سے پہلے ویکسین لگواچکے وہ بھی براہ راست واپس آسکتے ہیں۔

اس سے قبل سعودی اقامہ رکھنے والے پاکستانیوں کو سفری پابندی سے مستثنیٰ کسی دوسرے ملک میں 14 روز گزارنے پڑ رہے تھے تاہم اب وہ ویکسین لگوا کر براہ راست سعودی عرب جاسکتے ہیں۔