عائشہ ذوالفقار
سعودی عرب کے فضائی دفاعی نظام نے یمن کے حوثی ملیشیا کی جانب سے چھوڑا جانے والا کھلونا ڈرون مار گرایا۔
باغی ٹی وی : العربیہ اردو کے مطابق ایران کے حمایت یافتہ حوثیوں نے اس ڈرون سے سعودی عرب کے جنوبی شہر خمیس مشیط کو نشانہ بنانے کی کوشش کی تھی لیکن سعودی عرب کے فضائی دفاعی نظام نے اس کو فضا ہی میں ناکارہ بنا دیا ہے۔
سعودی عرب کی قیادت میں عرب اتحاد نے کہا ہے کہ یمنی حوثیوں کی شہریوں اور شہری اہداف کو نشانہ بنانے کے تمام حربوں کو ناکام بنادیا گیا ہے۔
یمن میں قانونی حکومت کی حمایت میں برسرپیکاراتحاد نے یہ بھی بتایا ہے کہ سعودی عرب کے جنوبی شہر جازان کی طرف حوثی ملیشیا کے بیلسٹک میزائل کو بھی تباہ کر دیا۔
کابل: طالبان افغانستان کے تین بڑے شہروں میں داخل ہو گئے
اس سے قبل عرب اتحاد نے جمعہ کو حوثیوں کے سعودی عرب کے ایک تجارتی بحری جہاز پر حملے کو بھی ناکارہ بنا دیا تھا۔اس حملے کے بعد عرب اتحاد نے ایک بیان میں کہا تھا کہ حوثیوں نےعالمی جہازرانی کوڈرانے دھمکانے کا سلسلہ جاری رکھا ہوا ہے۔
ترکی کی مدد کے لیے برادر اسلامی ملک پہنچ گیا
عرب وزرائے داخلہ کی کونسل اوربحرین کی وزارت خارجہ نے سعودی جہاز پر اس حملےکی مذمت کی تھی۔
عرب اتحاد نے واضح کیا ہے کہ اس نے آبنائے باب المندب سے گزرنے والے بحری جہازوں کی حفاظت اور آزادانہ جہازرانی کو یقینی بنانے کے لیے کوششیں جاری رکھی ہوئی ہیں۔
