سعودی صحافی جمال خاشقجی کے مقدمے پر خلیچ تعاون کونسل نے کیا کہا
باغی ٹی وی رپورٹ خلیج تعاون کونسل نے سعودی صحافی جمال خاشقجی کے قتل کے جرم کے سلسلے میں ریاض کی عدالت کی جانب سے جاری فیصلے کو "انصاف پر عمل درامد کے حوالے سے ایک اہم قدم” قرار دیا ہے۔
بدھ کے روز جاری بیان میں خلیج تعاون کونسل کے سکریٹری جنرل عبداللطيف الزيانی نے کہا کہ خاشقجی قتل کیس میں جاری فیصلہ سعودی عدلیہ کی آزادی اور شفافیت کا ثبوت ہے۔ اسی طرح مذکورہ جرم کے مرتکب افراد کے خلاف عدالتی کارروائی سے متعلق سعودی حکومت کا وعدہ بھی سچ ثابت ہو گیا۔
الزیانی نے واضح کیا کہ "ہم خاشقجی قتل کیس کو سیاسی رنگ دینے اور سعودی عرب کے معاملات میں مداخلت کرنے کی سخت مذمت کرتے ہیں”۔
سعودی عرب میں استغاثہ نے پیر کے روز اعلان میں بتایا تھا کہ عدالت نے سعودی صحافی جمال خاشقجی کے قتل کے کیس میں 5 ملزمان کو بطور قصاص سزائے موت دینے کا فیصلہ کیا ہے۔
جمال خاشقجی قتل کیس کی عدالت میں نو بار سماعت ہوئی،جس کے بعد عدالت نے فیصلہ سنایا،جمال خاشقجی کو2اکتوبر 2018 کواستنبول میں سعودی قونصل خانے میں قتل کیا گیا تھا