ایرانی اور روسی وزرائے خارجہ کا سعودی ہم منصب سے ٹیلیفونک رابطہ

سعودی وزیر خارجہ شہزادہ فیصل بن فرحان سے روسی ہم منصب سرگئی لاروف اور ایرانی ہم منصب حسین امیر عبداللہیان نے ٹیلیفون پر رابطہ کیا۔

باغی ٹی وی: سعودی وزیرخارجہ شہزادہ فیصل بن فرحان اور ایرانی وزیرِ خارجہ حسین امیر عبداللہیان کے درمیان ٹیلیفونک بات چیت ہوئی جس میں دو طرفہ تعلقات کے حوالے سے تبادلہ خیال کیا گیا دونوں وزرائے خارجہ کے درمیان بات چیت میں چین کی ثالثی میں ہونے والے معاہدے کی روشنی میں اگلے اقدامات کا جائزہ لیا گیا۔

عمران خان کا مقصد ملک میں انارکی پھیلانا ہے،ایک سال سے ان لوگوں کی ٹریننگ …

شہزادہ فیصل اور حسین امیر عبداللہیان کے درمیان ٹیلیفونک گفتگو میں دونوں ملکوں کے درمیان دو طرفہ تعلقات سمیت مختلف شعبوں میں تعاون بڑھانے پر بھی اتفاق ہوا ہے۔

دوسری جانب سعودی وزیر خارجہ شہزادہ فیصل بن فرحان سے روسی ہم منصب سرگئی لاروف نے ٹیلیفون پر رابطہ کیا،سعودی میڈیا کے مطابق دونوں وزراء خارجہ نے علاقائی اور عالمی مسائل پر گفتگو کی سعودی وزیر خارجہ نے کہا کہ روس یوکرین مسئلے کے سیاسی حل تک پہنچنے کی حمایت جاری رکھیں گے دونوں رہنماؤں نے سعودی عرب اور روس کے گہرے تعلقات پر بھی بات چیت کی-

اسلام آباد ہائیکورٹ کا عمران خان کو آئندہ سماعت پر ذاتی حیثیت میں پیش ہونے …

واضح رہے کہ سعودی عرب اور ایران کو قریب لانے میں چین نے ثالثی کا اہم کردار ادا کیا ہے۔ جس پر دونوں ملک چین کے شکر گزار ہیں۔ دونوں ملکوں نے ایک دوسرے کے ساتھ تعلقات کی بحالی کو خوش آئند قرار دیا ہے۔