سعودی عرب نےہرمشکل وقت میں پاکستان کا ساتھ دیا،علامہ طاہر اشرفی

علامہ طاہر اشرفی نے کہا ہے کہ عمران خان کے خلاف تحریک عدم اعتماد سے سعودی عرب کا کوئی تعلق نہیں۔ چیئرمین پاکستان علما کونسل طاہرمحمود اشرفی نے کہا ہے کہ سعودی وفد پاکستان آنا خوش آئند ہے ، ہم امداد نہیں تجارت چاہتے ہیں۔لاہور میں پریس کانفرنس کے دوران علامہ طاہر اشرفی نے کہا کہ پاکستان سے برادر دوست ملک کو متنفر کرنے کےلیے غیر ذمے دارانہ بیانات دیے گئے ہیں۔انہوں نے کہا کہ سعودی وفد کا پاکستان آنا خوش آئند ہے،عمران خان کے خلاف تحریک اعتماد کی کامیابی کا سعودی عرب سے کوئی تعلق نہیں۔علامہ طاہر اشرفی نے مزید کہا کہ ہم امداد نہیں تجارت چاہتے ہیں،سعودی عرب نے ہر مشکل وقت میں پاکستان کا ساتھ دیاہے۔اُن کا کہنا تھا کہ پرائیویٹ حج سے متعلق بکنگ کا سلسلہ جاری ہے، عازمین حج کو تمام سہولتیں فراہم کی جائیں گی۔