سری لنکا کے اپیل کورٹ نے سری لنکن کرکٹ بورڈ کے عہدیداران کی درخواست کو سماعت کیلئے منظور کرتے ہوئے بورڈ کے تمام اراکین کو 14 روز کیلئے بحال کر دیا
سری لنکن کرکٹ بورڈ کے صدر شامی سلوا نے وزیر کھیل روشن رانا سنگھے کے بورڈ کو فارغ کرنے کے فیصلے کے خلاف اپیل دائر کی جسے عدالت نے منظور کرلیا ،عدالت نے کرکٹ بورڈ کو دو ہفتوں کے لئے بحال کیا، کرکٹ بورڈ کی درخواست پر اگلی سماعت دو ہفتے بعد ہو گی،سری لنکن کرکٹ بورڈ کے صدر کی جانب سے درخواست میں قائم کی گئی عارضی کمیٹی کو بھی چیلنج کیا گیا تھا
عدالتی حکم کے مطابق سری لنکن کرکٹ بورڈ کی بحالی دو ہفتوں کے لیے ہے، جب عدالت اس کیس کی دوبارہ سماعت کرے گی۔
واضح رہے کہ گزشتہ روز سری لنکا کے وزیر کھیل روشن رانا سنگھے نے سری لنکن کرکٹ بورڈ کو فارغ کرنے کی تصدیق کی اور کہا کہ بورڈ کو ہٹا دیا گیا ہے،میڈیا رپورٹس کے مطابق سری لنکن وزیر کھیل کے بورڈ سے کرپشن الزامات کی وجہ سے تعلقات پہلے ہی کشید ہ تھے تاہم اب ورلڈ کپ میں ناقص کارکردگی اور بھارت کے ہاتھوں شکست کے بعد بورڈ کو فارغ کر دیا گیا، وزیر کھیل نے 1996 ورلڈ کپ فاتح ٹیم کے کپتان ارجنا رانا ٹنگا کو بورڈ کی ذمہ داری سونپ دی اور انہیں سری لنکن کرکٹ بورڈ کا عبوری چیئرمین مقرر کر دیا
Leave a reply
