پاکستان کے نامور اور معروف اداکار حمزہ علی عباسی کا کہنا ہے کہ اسکرین پر خواتین کو بولڈ اور نیم عریاں انداز میں دکھانا ان کی تذلیل ہے آرٹ نہیں-

باغی ٹی وی : حمزہ علی عباسی نے حال ہی میں لندن سے تعلق رکھنے والے پاکستانی ڈیجیٹل نیوزچینل پاک فائیو لائیوکو انٹرویو کے دوران کہا کہ کہ خواتین کو آئٹم سانگس یا نیم عریاں شوز میں اسکرین پر تضحیک آموز طریقے سے دکھانا آرٹ نہیں ہے اور نہ ہی اسے سیکولرزم کہتے ہیں۔

حمزہ علی عباسی نے کہا کہ ان کی ذاتی رائے ہے کہ اسکرین پر خواتین کو بولڈ اور نیم عریاں انداز میں دکھانا ان کی تذلیل ہے اور اسے کسی طرح آرٹ نہیں کہا جا سکتا اور نہ ہی یہ عمل مذہب اور سیکولرزم میں قابل قبول ہے۔

اداکار نے کہا کہ ٹی وی چینلز پر نیم عریاں شوز اور آئٹم سانگس کو بھی آرٹ کہنا غلط ہے۔

خیال رہے کہ حمزہ علی عباسی ماضی میں بھی آئٹم سانگس کی مخالفت کرتے رہے ہیں ساتھ ہی وہ اسکرین پر پیش کئے جانے والے مواد کو تخلیقی اور بہتر بنانے کے حوالے سے بھی اپنی رائے کا اظہار کرتے رہے ہیں۔

واضح رہے کہ ایک سال قبل اداکار نے سوشل میڈیا پیغام میں کہا تھا کہ وہ اسلام کی خاطر عارضی طور پر کنارہ کشی اختیار کر رہے ہیں اور اب وہ اپنے سوشل میڈیا پلیٹ فارمز کو دین اسلام کے لئے استعمال کریں گے-

حمزہ علی عباسی نے ایک برس قبل شوبز سے کنارہ کشی اختیار کرکے اپنا وقت دین کی تبلیغ و ترویج میں وقف کرنے کا اعلان کیا تھا اور اس کے بعد ان کی ایک ویڈیو بھی وائرل ہوئی تھی جس میں انہوں نے دہریت سے اسلام تک کے اپنے سفر کو بیان کیا تھا۔

حمزہ علی عباسی نے احمد علی بٹ آن لائن شو میں سوال کے جواب میں بتایا تھا کہ انہوں نے اداکاری نہیں چھوڑی ہاں ایک سال کا وقفہ لیا ہے اور اس سلسلے میں وہ دو پروجیکٹس پر کام بھی کر رہے ہیں اور ایک سال بعد سکرین پر نظر آئیں گے-

واضح رہے کہ حمزہ علی عباسی کی نئی آنے والی فلم دی لیجنڈ آف مولو جٹ ہے جس میں ان کے ساتھ فواد خان، ماہرہ خان اور حمائمہ ملک کی فلم ’دی لیجنڈ آف مولاجٹ‘ کی ریلیز تنازعات کے باعث مسلسل تاخیر کا شکار رہی۔ پروڈیوسرز اس فلم کو رواں سال عیدالفطر پر ریلیز کرنے کا ارادہ رکھتے تھے لیکن کورونا کے باعث اس کی ریلیز ایک بار پھر ملتوی کردی گئی-

فلم دی لیجنڈ آف مولا جٹ ،جوانی پھر نہیں آنی کو بھی پیچھے چھوڑ دے گی حمزہ علی عباسی کا دعویٰ

ماہرہ خان نے ڈرامہ سیریل ہمسفر کی یاد تازہ کر دی

شوبز انڈسٹری میں صرف خواتین ہی نہیں بلکہ مرد اداکاروں کو بھی کئی طرح کی مشکلات کا…

حمزہ علی عباسی کا جلد ہی شوبز میں واپسی کا اعلان

اداکارہ میرا کی دوسال پرانی وائرل ویڈیو پر صارفین کے دلچسپ تبصرے

پاکستانی ویب سیریز ’ایک جھوٹی لو اسٹوری‘ کا ٹریلر بھارتی ویڈیو اسٹریمنگ ویب سائیٹ…