ایس ای سی پی ؛ 2022 میں 2,380 نئی کمپنیاں رجسٹرڈ

ایس ای سی پی نے نومبر 2022 میں 2,380 نئی کمپنیاں رجسٹرڈ کیں.

سکیورٹیز اینڈ ایکسچینج کمیشن آف پاکستان نے نومبر کے مہینے میں 2,380 نئی کمپنیاں رجسٹر کیں، جو کہ گزشتہ سال نومبر کے مقابلے میں 10 فیصد زیادہ ہیں۔ نئی رجسٹریشن کے بعد رجسٹرڈ کمپنیوں کی کل تعداد 1 لاکھ 82 ہزار 598 ہو گئی ہے۔ نئی رجسٹریشن حاصل کرنے والی کمپنیوں کا کل ادا شدہ سرمایہ 1.9 ارب روپے ہے۔

اس ماہ سب سے زیادہ رجسٹریشن رئیل اسٹیٹ ڈویلپمنٹ اور کنسٹرکشن سیکٹر میں ہوئی جہاں 407 کمپنیاں رجسٹرڈ ہوئیں۔ اس کے بعد انفارمیشن ٹیکنالوجی کے شعبے میں 347، ٹریڈنگ میں 300 اور خدمات کے شعبے میں 258 کمپنیاں رجسٹر ہوئیں۔ نومبر میں رجسٹرڈ کی گئی کمپنیوں میں تقریباً 59 فیصد کمپنیاں پرائیویٹ لمیٹڈ ہیں جبکہ 39 فیصد سنگل ممبر اور2 فیصد میں پبلک ان لسٹڈ، غیر منافع بخش و تجارتی ایسوی ایشنز ، غیر ملکی کمپنیاں اور محدود ذمہ داری کی شراکت داری (LLP) شامل ہیں ۔ اس ماہ تقریباً 99.5 فیصد کمپنیاں آن لائن رجسٹر ہوئیں۔

نومبر میں 85 کمپنیوں میں غیرملکی سرمایہ کاروں کی جانب سے سرمایہ کاری کی گئی۔ ان ممالک میں افغانستان، آسٹریلیا، کینیڈا، چین، ہانگ کانگ ، جرمنی، سپین، جنوبی کوریا، جنوبی افریقہ، اردن، سعودی عرب، ترکی، برطانیہ اور امریکہ شامل ہیں۔ اس ماہ میں سب سے زیادہ رجسٹریشن رئیل اسٹیٹ ڈویلپمنٹ اور کنسٹرکشن سیکٹر میں ہوئی جہاں 407 کمپنیاں رجسٹرڈ ہوئیں۔ اس کے بعد انفارمیشن ٹیکنالوجی کے شعبے میں 347، ٹریڈنگ میں 300 اور خدمات کے شعبے میں 258 کمپنیاں رجسٹر ہوئیں۔

دیگر شعبوں میں خوراک اور مشروبات کے سیکٹر میں 87 کمپنیاں، تعلیم کے شعبے میں 82، سیاحت میں 81، کارپوریٹ ایگریکلچرل فارمنگ میں 76، ای کامرس میں 70، مارکیٹنگ اور اشتہارات میں 63، انجینئرنگ میں 62، ٹیکسٹائل میں 57، فارماسیوٹیکل میں 50، ہیلتھ کیئر میں 43، کیمیکل میں 37، ایندھن اور توانائی میں 35، اور ٹرانسپورٹ میں 31 کمپنیاں رجسٹرڈ ہوئیں.
مزید یہ بھی پڑھیں.
تاریخی معاہدے کی منظوری ، وزیر اعظم وفاقی کابینہ اجلاس کی صدارت آج کرینگے
نئی جگہ ہجرت کرنے والے بچوں کی کونسلنگ والدین کی بھاری ذمہ داری /
برطانیہ میں شدید برفباری سے مواصلات کا نظام بری طرح متاثر ،ڈیڑھ سو پروازیں منسوخ
نوجوانوں کیلیے وزیراعظم قرضہ اسکیم بحال
زائد اثاثہ جات کیس؛ سلمان شہباز کی 14 روزہ حفاظتی ضمانت منظور
ایس ای سی پی کی ای سروسز کی ایف بی آر اور دیگر صوبائی محکموں کے ساتھ انٹی گریشن (انضمام ) کے نتیجے میں نومبر میں، ایس ای سی پی کے ای سروسز کے ذریعے 2,211 کمپنیوں کے این ٹی این جاری کئے گئے جبکہ 57 کمپنیوں نے ایمپلایز اولڈ ایج بینیفٹ انسٹی ٹیوشن کے ساتھ رجسٹریشن حاصل کی اور 32 کمپنیاں صوبائی ریوینیو کے محکموں اور محکمہ ایکسائز اینڈ ٹیکسیشن کے ساتھ رجسٹریشن حاصل کی۔