ایشیائی ترقیاتی بینک نے پاکستان کے لیے ڈیڑھ ارب ڈالر کی منظوری دے دی

ایشیائی ترقیاتی بینک کی جانب سے پاکستان کے لیے ڈیڑھ ارب ڈالر کی منظوری دے دی گئی۔

پاکستان کے لیے فنڈز کی منظوری بجٹ سپورٹ لون کے طور پر دی گئی ہے۔ اے ڈی بی کے قرضے کی منظوری سے زرمبادلہ کے ذخائر میں اضافے اور بونڈ مارکیٹ میں بہتری آئے گی۔ اے ڈی بی کی جانب سے فنڈز کی منظوری کے بعد وزیر خزانہ اسحق ڈار نے اپنے ٹوئٹر بیان میں کہا کہ الحمدللہ! ایشیائی ترقیاتی بینک کے بورڈ نے پاکستان کے لیے ڈیڑھ ارب ڈالر کی منظوری دے دی ہے۔ انہوں نے کہا کہ فنڈز جاری کرنے کے سلسلے میں معاہدہ آئندہ ہفتے میں کیا جائے گا۔

AlhamdoLilah!
Asian Development Bank’s Board has approved today BRACE facility of US Dollars 1.5 Billion for Pakistan.
Agreement signing and release of funds in the week beginning Monday 24th Oct 2022.

— Ishaq Dar (@MIshaqDar50) October 21, 2022

واضح رہے کہ بینک کے ساتھ ہونے والے مذاکرات سے آگاہ ذرائع کا کہنا تھا کہ ایشیائی ترقیاتی بینک 21 اکتوبرکو ڈیڑھ ارب ڈالر کا قرضہ منظور کرے گا، جس کے بعد ہنگامی معاونت کے طور پر 40سے 50 کروڑ ڈالر کے قرض کی منظوری دی جائے گی۔ اس طرح اے ڈی بی دسمبر کے اختتام سے قبل 2 ارب ڈالر کے قرضوں کی منظوری دے گا۔ ان قرضوں کی وجہ سے غیرملکی زرمبادلہ کے ذخائر کو سہارا ملے گا ساتھ ہی روپے کو مستحکم کرنے کے لیے حکومتی اقدامات کو بھی مزید مضبوطی ملے گا۔
مزید یہ بھی پڑھیں؛ دوسروں کو خریدوفروخت کا طعنہ دینے والے طارق جمیل، عمران خان بارے چپ کیوں؟
عمران خان کیخلاف فیصلہ آنے ہر احتجاج کی ہدایت:پرویز خٹک کی آڈیو
پاکستان نے روس سے تیل خریدنے کے کام پر آغاز کر دیا: وزیر خزانہ
دوسری جانب عالمی مالیاتی ادارے ورلڈ بینک نے کہا ہے کہ معاشی بحالی کے لیے پاکستان کو مشکل فیصلے کرنا ہوں گے۔ عالمی بینک کی جانب سے جاری بیان میں کہا گیا ہے کہ پاکستان ميں سيلاب کی وجہ سے بے تحاشا نقصان ہوا ہے، اور سيلاب کے بعد اقتصادی صورتحال کی وجہ سے اصلاحات کرنا مشکل ہوں گی۔ ورلڈ بینک نے کہا ہے کہ پاکستان ميں سيلاب کی تباہ کاری اور نقصانات کی تخمينہ رپورٹ اگلے ہفتے آئے گی، جس کے بعد ہی امدادی رقم کا فيصلہ ہو پائے گا۔ ورلڈ بینک نے تنبہہ کرتے ہوئے بتایا کہ پاکستان کے لئے اب تک دو ارب ڈالر کی رقم کا ہی اعلان ہوا ہے، معاشی بحالی کے لیے پاکستان کو مشکل فیصلے کرنا ہوں گے۔