تازہ ترینکراچی

اچھا کریں یا برا باتیں ہمیشہ ہوتی ہیں،پاک انگلینڈ سیریز میں فارم واپس لانے کی کوشش کروں گا،بابر اعظم

3 سال قبل
3 سال قبل

کراچی: پاکستان کرکٹ ٹیم کے کپتان بابر اعظم نے کہا ہے کہ اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا-

باغی ٹی وی : نیشنل اسٹیڈیم کراچی میں پریس کانفرنس میں قومی ٹیم کےکپتان نےکہا کہ انگلینڈ کی ٹیم کافی عرصے بعد پاکستان آئی ہے ساری ٹیم کافی پُرجوش ہے انگلش ٹیم کے خلاف ٹی ٹوئنٹی سیریز بہت اہم ہوگی اور اچھے مقابلے دیکھنے میں آئیں گے 7 میچز کی سیریز ہے جبکہ عالمی کپ کے لیے تیاریوں میں مدد ملے گی۔

پاکستان، انگلینڈ ٹی ٹوئنٹی سیریز کا پہلا میچ کل ہو گا، ٹرافی کی رونمائی

انہوں نے کہا کہ پچھلے2 سال سےہماری اوپننگ جوڑی کافی کامیاب رہی ہے لیکن ہرمیچ میں صورتحال مختلف ہوتی ہےہماری اوپننگ جوڑی سے پاکستان کو کافی فتوحات بھی ملی ہیں پاورپلےکااچھا استمعال کرتےرہے ہیں اور محمد رضوان کے ساتھ مل کر ذمہ داری نبھانے کی کوشش کروں گا، اپنے اوپر ہونے والی باتوں کو نہیں سنتا البتہ تسلیم کرتا ہوں کہ ایشیا کپ میں ڈاٹ بال زیادہ ہوئیں۔

قومی کرکٹ ٹیم کے کپتان نے کہا کہ ہرشل گبز سے میری کوئی ایسی بات نہیں ہوئی، اپنی پرفارمنس کی ٹینشن تھی لیکن مڈل آرڈر کی کارکردگی کی خوشی تھی، اچھا کریں یا برا باتیں ہمیشہ ہوتی ہیں، ہم نے اسی بیٹنگ سے 200 بھی کیا اور اتنا ہی ہدف حاصل بھی کیا ہمیشہ اچھے کی امید رکھنی چاہیے،سیریز میں فارم واپس لانے کی کوشش کروں گا-

بابراعظم نے کہا کہ نوجوان فاسٹ بولر شاہین شاہ آفریدی کی سیریز میں کمی محسوس ہوگی، ان کی فٹنس بتدریج بحال ہو رہی ہے اور امید ہے کہ وہ عالمی کپ کے لیے دستیاب ہوں گے۔


بابراعظم کا کہنا تھا کہ سیلاب زدگان سے بہت ہمدردی ہے، متاثرین پریشانی سے گزر رہے ہیں اور پوری قوم ان کے ساتھ ہے، پاکستان کی مشکل گھڑی میں دنیا مدد کرتی ہے، بیرون ملک پاکستانی بھی اپنا کردار ادا کرتے ہیں، میری درخواست ہے کہ لوگ میچ دیکھنے آئیں۔

میرے اباواجداد پاکستان سے ہیں:لیکن انگلینڈ ٹیم کی قیادت میرے لئےاعزاز ہے::معین علی

ٹیگز:
زمرہ جات:
تازہ ترینکراچیکھیل
Shares:

مزید خبریں