ایڈیشنل آئی جی کراچی جاوید عالم اوڈھو نے آج شب برات کے موقع پر سیکیورٹی انتظامات کو مزید مؤثر بنانے کے لیے تمام زونل ڈی آئی جیز، ضلعی ایس ایس پیز، ایس پیز، ایس ڈی پی اوز اور ایس ایچ اوز کو سخت ہدایات جاری کی ہیں۔
باغی ٹی وی کے مطابق، ایڈیشنل آئی جی نے کہا کہ مساجد، امام بارگاہوں، مزارات، قبرستانوں اور درگاہوں پر سیکیورٹی فورسز کی مزید تعیناتی کی جائے تاکہ شب برات کے موقع پر ہونے والے اجتماعات کو محفوظ بنایا جا سکے۔اس کے ساتھ ساتھ مرکزی شاہراہوں اور گلیوں میں پولیس موبائل اور موٹر سائیکل گشت میں اضافہ کرنے کی ہدایت دی گئی ہے تاکہ علاقے میں کسی بھی مشتبہ سرگرمی پر فوری کارروائی کی جا سکے۔انہوں نے یہ بھی ہدایت کی کہ شب برات کی محافل اور اجتماعات کے منتظمین کے ساتھ رابطہ قائم رکھا جائے اور ان کے رضاکاروں کو بھی سیکیورٹی میں شامل کیا جائے تاکہ حفاظتی تدابیر مزید مستحکم ہوں۔ دہشت گرد عناصر، فورتھ شیڈول کے ملزمان اور دیگر مشکوک افراد پر کڑی نظر رکھی جائے۔عوامی املاک اور اہم تنصیبات کی حفاظت کے لیے خصوصی انتظامات کیے جائیں گے اور آتشبازی اور پٹاخوں کی فروخت میں ملوث افراد کے خلاف فوری کارروائی کی جائے گی۔
انہوں نے ہدایت کی کہ بم ڈسپوزل اسکواڈ کو الرٹ رکھا جائے گا تاکہ کسی بھی ممکنہ دھماکہ خیز مواد سے بچاؤ کی مؤثر حکمت عملی اختیار کی جا سکے۔ایس ایچ اوز کو ہدایت دی گئی ہے کہ وہ گشت اور سیکیورٹی تعیناتی کا مسلسل جائزہ لیں تاکہ کسی بھی قسم کی غفلت سے بچا جا سکے۔کراچی پولیس کے ترجمان نے عوام سے اپیل کی ہے کہ وہ سیکیورٹی انتظامات میں پولیس کا ساتھ دیں اور کسی بھی مشکوک سرگرمی کی اطلاع فوراً پولیس کو دیں۔
سونے کی فی تولہ قیمت میں 2500 روپے کا اضافہ
خیبرپختونخوا میں سیکیورٹی فورسز کی کارروائیاں، 13 خوارجی جہنم واصل
ترک صدرپاکستان کا دورہ مکمل کر کے واپس وطن روانہ
