شہباز شریف کی کل نیب طلبی، چیئرمین نیب اچانک کہاں پہنچ گئے؟

شہباز شریف کی کل نیب طلبی، چیئرمین نیب اچانک کہاں پہنچ گئے؟

باغی ٹی وی کی رپورٹ کے مطابق چیئرمین نیب جسٹس ریٹائرڈ جاوید اقبال نیب آفس لاہور پہنچ گئے جہاں ڈی جی نیب سلیم شہزاد انہیں میگا کرپشن کیسز پر بریفنگ دیں گے۔

ڈی جی نیب لاہور سلیم شہزاد چیئرمین نیب کو میگا کرپشن کیسز پر بریفنگ دیں گے ، ان کیسز میں سابق وزیر اعلیٰ پنجاب اور مسلم لیگ ن کے صدر میاں شہباز شریف کی نیب پیشی اور کیس میں ابتک کی پیش رفت پر تفصیلی بریفنگ دی جائے گی ۔

چیئرمین نیب کورونا وائرس کے حوالے سے کیے گے انتظامات کا جائزہ بھی لیں گے۔ اس کے علاوہ چیئرمین نیب کو لاہور بیورو میں زیر التوا انکوائریز اور انوسٹی گیشنز سے متعلق بھی بریفنگ بھی دی جائے گی

واضح رہے کہ  قومی اسمبلی میں قائد حزب اختلاف شہباز شریف کو نیب نے کل طلب کر لیا

نیب نے شہباز شریف سے وارثت میں موصول ہونے والی جائیداد کی تفصیلات طلب کرلیں،نیب نے شہباز شریف کو منی لانڈرنگ کیس میں طلب کیا ہے، نیب کی جانب سے ماڈل ٹاؤن شہباز شریف کے گھر میں نوٹس بھجوائے گئے تھے، شہباز شریف کو کل 17 اپریل کو نیب میں پیش ہونے کا کہا گیا ہے اور ضروری ریکارڈ ساتھ لانے کی ہدایت کی گئی ہے

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

حمزہ شہباز کے پروڈکشن آرڈر کے خلاف درخواست دائر

نیب نے شہباز شریف کو ایک سوالنامہ بھی بھجوایا ہے جس میں کہا گیا ہے کہ سال 1998 سے سال 2018 کے دوران فیملی کے اثاثے بڑھ کر 549 ارب ہوئے۔ پبلک آفس ہولڈر ہونے کی حیثیت سے ان اثاثوں میں اضافے کی وضاحت دیں۔ بیرون ملک کون کون سے اثاثے اور بینک اکاوَنٹس موجود ہیں ان کی تفصیلات فراہم کی جائیں۔ سال 2005 سے سال 2007 کے دوران لیے جانے والے قرض کی تفصیلات فراہم کی جائیں۔ فیملی کو دیے جانے والے اور موصول ہونے والے تمام تخائف کی تفصیلات فراہم کی جائیں اور سال 2008 سے سال 2019 کے دوران زرعی آمدنی کی تفصیلات بھی فراہم کی جائیں۔ ماڈل ٹاوَن 96 ایچ کتنے سال تک وزیر اعلیٰ کیمپ ہاوَس رہا، اس کا بھی جواب دیں

شہباز شریف نے نیب کی جانب سے طلبی پر آئینی ماہرین کو مشاورت کے لئے بلا لیا ہے، آئینی ماہرین سے مشاورت کے بعد شہبا زشریف نیب میں پیشی کا فیصلہ کریں گے.