شہباز شریف کی لائن آف کنٹرول پر بھارت کی بلا جواز فائرنگ کی شدید مذمت

پاکستان مسلم لیگ (ن) کے صدر اور قائد حزب اختلاف شہباز شریف نے لائن آف کنٹرول پربھارت کی بلا جواز فائرنگ کی شدید مذمت کی ہے۔ انہوں نے شہید حوالدار لیاقت کوخراج عقیدت پیش کرتے ہوئے کہاکہ بھارت عالمی قانون اور دو طرفہ معاہدوں کی دھجیاں اڑا رہا ہے۔ انہوں نے کہا کہ شہری آبادی کو نشانہ بنانا بھارتی فوج کی بزدلی اور غیر پیشہ ورانہ رویے کا ثبوت ہے۔ عالمی برادری بھارت کے جنگی جنون اور جنوبی ایشیا کا امن تباہ کرنے کی کارروائیوں کا نوٹس لے۔ انہوں نے کہا کہ وہ بھارت کی بلا جواز فائرنگ سے متاثرہ شہریوں سے یک جہتی اورہمدردی کا اظہار کرتے ہیں جب کہ بھارتی بلا جواز فائرنگ کا بھر پور جواب دینے پر مسلح افواج کو خراج تحسین پیش کرتے ہیں