اسلام آباد :شہبازشریف نے نوازشریف پرمقدمات ختم کرنے کی خوشخبری سنا دی ،اطلاعات کے مطابق شہباز شریف نے کہا کہ آئین کے تحفظ کا ساتھ دینے پر نواز شریف، آصف زرداری، مولانا فضل الرحمان، بلاول بھٹو زرداری، خالد مقبول صدیقی، خالد مگسی ، علی وزیر اور امیر حیدر ہوتی کا شکر گزار ہوں، اس موقع پر سول سوسائٹی ، میڈیا اور سیاسی کارکنوں کا بھی شکریہ ادا کرتا ہوں۔
نامزد وزیراعظم شہباز شریف نے کہا ہے کہ نوازشریف کے خلاف مقدمات قانون کے مطابق دیکھے جائیں گے۔دوسری طرف اہم ذرائع نے دعویٰ کیا ہے کہ شہبازشریف کونوازشریف کی طرف سے ہدایات جاری کردی گئی ہیں کہ وہ مقدمات کے خاتمے کے لیے معاملات کو جلد از جلد طئے کریں اور اس سلسلے میں وکلا سے بھی مشاورت کریں ، یہ بھی معلوم ہوا ہے کہ وکلا کی ٹیم نے اس سلسلے میں فریم ورک پرکام شروع کردیا ہے
پارلیمنٹ ہاؤس اسلام آباد میں کاغذات نامزدگی جمع کرانے کے بعد میڈیا سے غیر رسمی گفتگو کے دوران شہباز شریف نے کہا کہ آئین کے تحفظ کا ساتھ دینے پر نواز شریف، آصف زرداری، مولانا فضل الرحمان، بلاول بھٹو زرداری، خالد مقبول صدیقی، خالد مگسی ، علی وزیر اور امیر حیدر ہوتی کا شکر گزار ہوں، اس موقع پر سول سوسائٹی ، میڈیا اور سیاسی کارکنوں کا بھی شکریہ ادا کرتا ہوں۔
صدر ن لیگ نے کہا کہ ہم بھارت کے ساتھ امن کے خواہاں ہیں، مسئلہ کشمیر کے حل کے بغیر امن ممکن نہیں۔شہباز شریف نے کہا کہ ملک میں نئے دور کا آغاز کریں گے، باہمی احترام کو فروغ دیں گے، قومی ہم آہنگی میری پہلی ترجیح ہے، نئی کابینہ کی تشکیل اپوزیشن رہنماؤں کی مشاورت کے ساتھ ہوگی۔
ملک کی معاشی صورت حال پر شہباز شریف نے کہا کہ ان کی اولین کوشش ہوگی کہ ملکی معیشت بہتر کرکے عوام کو ریلیف دے سکیں،
صحافی کی جانب سے سوال کیا گیا کہ نواز شریف کب واپس آئیں گے اور ان کے کیسز کا کیا بنے گا؟ ، جس پر شہباز شریف نے کہا کہ نواز شریف کے خلاف مقدمات قانون کے مطابق دیکھے جائیں گے۔
واضح رہے کہ شہباز شریف نے متحدہ اپوزیشن کی جانب سے وزارت عظمیٰ کے لیے کاغذات نامزدگی جمع کرادیئے ہیں۔وزیر اعظم کا انتخاب پیر کی سہہ پہر عمل میں آئے گا۔
