لاہور :شاہین آفریدی اثاثہ ہے، سنبھال کر استعمال کرنا ہوگا :اس اثاثے کا کریڈت مشتاق احمد اورمدثرنذرکوبھی جاتا ہے:ااطلاعات کے مطابق سابق چیف سلیکٹر انضمام الحق کا کہنا ہے کہ نوجوان فاسٹ بولر شاہین شاہ آفریدی پاکستان ٹیم کا اثاثہ ہے مگر اسکو سنبھال کر استعمال کرنا ہوگا ، شاہین کی جسامت ایسی ہے کہ ہمیشہ انجری کا خدشہ رہ سکتا ہے۔
ذرائع کے مطابق سابق کپتان انضمام الحق نے ویڈیو شیئرنگ پلیٹ فارم یوٹیوب پر اپنے ایک پیغام میں شاہین آفریدی کی عمدہ پرفارمنس پر داد دی اور کہا کہ جب نوجوان پرفارمنس دیتا ہے تو خوشی ہوتی ہے اور یہ نوجوان اگر پاکستانی ہو تو خوشی اور بھی بڑھ جاتی ہے۔
واضح رہے کہ انگلینڈ میں جاری ٹی ٹونٹی بلاسٹ کے دوران ہمشائر کی نمائندگی کرتے ہوئے ہیٹ ٹرک مکمل کی جبکہ اس پرفارمنس کیساتھ انہوں نے 4 گیندوں پر 4 کھلاڑیوں کو آؤٹ کرکے اپنی ٹیم کو فتح سے ہمکنار کیا۔
شاہین شاہ آفریدی کی تعریف کرتے ہوئے 50 سالہ انضمام الحق نے بتایا کہ یہ نوجوان بولر مشتاق احمد اور مدثر نذر کی دریافت ہیں اور اس کھلاڑی کا کریڈٹ انہی کو جانا چاہیے۔انضمام الحق کا کہنا تھا کہ انہوں نے شاہین سے متعلق سنا تھا کہ وہ بہت تیز گیند باز ہے، لیکن جب پہلی مرتبہ انہیں بولنگ کرتے دیکھا تو وہ واقعی اپنی عمر کے کھلاڑیوں سے زیادہ بردبار لگ رہے تھے۔
ذرائع کے مطابق سابق کپتان نے شاہین آفریدی کے ان فٹ ہونے کے خدشے کا اظہار کیا اور کہا کہ بائیں ہاتھ کے بولر کی سلیکشن دیکھ بھال کر کرنی چاہیے۔ انھوں نے ماضی میں فاسٹ بولر محمد زاہد کی مثال دیتے ہوئے کہا کہ ہمارے وقت میں پاکستان ٹیم کا حصہ بننے والے زاہد ملک کا سرمایہ تھے، انہیں صحیح استعمال نہیں کیا گیا، وہ کمر کی انجری کا شکار ہوکر باہر ہوئے اور دوبارہ کم بیک نہیں کر پائے۔
