کرکٹ ورلڈ کپ میں پاکستان اور افغانستان کے درمیان میچ میں افغانستان کی بیٹنگ جاری ہے اور اس کے دو کھلاڑی آوٹ ہو چکے ہیں.
پاکستان انڈیا کے ساتھ سیمی فائنل کھیلے گا، سابق قومی کرکٹر ظہیر عباس کی باغی ٹی وی سے گفتگو
باغی ٹی وی کی رپورٹ کے مطابق افغانستان کی4.5اوورز میں دوسری وکٹ بھی 27 رنز پر گر گئی ،شاہین آفریدی نے یکے بعد دیگرے دونوں وکٹیں حاصل کیں
افغانستان نے ٹاس جیت کر بیٹنگ کا فیصلہ کیا تو رحمت شاہ اور کپتان گلبدین نائب نے اننگز کا آغاز کیا، پاکستان کی طرف سے پہلا اوور عماد وسیم نے کیا۔ افغانستان کو پہلا نقصان گلبدین نائب کی صورت میں اٹھانا پڑا جب کپتان 12 گیندوں پر 15 رنز بنا کر شاہین شاہ آفریدی کی گیند پر وکٹ کیپر سرفراز احمد کو کیچ دے بیٹھے۔ اس سے اگلی گیند پر شاہین شاہ آفریدی نے حشمت اللہ شہیدی کو پویلین بھیج دیا۔ عماد وسیم نے کیچ پکڑا۔
قومی ٹیم کے کپتان سرفراز احمد نے ٹاس کے بعد کہا تھا کہ ٹاس کا فیصلہ ہمارے ہاتھ میں نہیں، ٹاس جیتنے کی صورت میں ہم بھی پہلے بیٹنگ ہی کرتے، پاکستانی ٹیم میں کوئی تبدیلی نہیں کی گئی، ہماری باؤلنگ لائن اچھی فارم میں ہے، وہاب ریاض فٹ ، فائنل الیون کا حصہ ہیں، افغانستان کو کم ٹوٹل پر روکنے کی کوشش کرینگے
افغان کپتان گلبدین نائب کا کہنا تھا کہ بیٹنگ کے لیے وکٹ سازگار ہے، پاکستان کو بڑا ہدف دینے کی کوشش کریں گے، ہمارے سپنرز اچھے ہیں، دوسری اننگز میں فائدہ ہو گا۔ گرین شرٹس کی ٹیم اچھی ہے ٹیم میں ایک تبدیلی کی ہے، دوالت زدران کی جگہ حامد حسن کھیلیں گے۔
