![shakil](https://baaghitv.com/wp-content/uploads/2023/06/shakil-905x613.jpg)
سیئنر اداکار شکیل کے انتقال پر شوبز انڈسٹری نے گہرے رنج اور دکھ کا اظہار کیا ہے، اداکار قیصر خان نظامانی نے کہا ہےکہ اداکار شکیل کے جانے کا بہت افسوس ہوا. اعجاز اسلم نے شکیل کی تصویر لگا کر لکھا کہ شکیل کی خدمات کو ہمیشہ یاد رکھا جائیگا انہوں نے کمال کام کیا. جاوید شیخ نے اداکار کے انتقال کو شوبز انڈسٹری کا بڑا نقصان قرار دیا.منظور قریشی نے اپنی اور شکیل کی ایک پرانی تصویر لگا کر لکھا کہ ہمارے پرانے دوست اور ساتھی شکیل کے اچانک انتقال نے پاکستان کی پوری ٹی وی برادری کو غمزدہ کر دیا ہے۔
شکیل کے ساتھ میری وابستگی 54 سال پر محیط ہے جب ہم نے 1970 میں سید امیر امام کی ہدایت کاری میں پی ٹی وی کے ڈرامے "ہنی مون” میں ایک ساتھ اداکاری کی۔” 70 کی دہائی کے آخر میں قاسم جلالی کی ہدایت کاری میں بننے والے ثقافتی ڈرامے ’’گلجانہ‘‘ میں ہم شریک اداکار بھی تھے۔” انہوں نے 80 کی دہائی کے اوائل میں Ptv کے ڈرامے "پیوند” میں میری ہدایت کاری میں کام کیا۔وہ ایک شخص اور پاکستان ٹیلی ویژن کے پہلے آئیکونک سلیبریٹی ہیرو تھے. ہمایوں سعید نے لکھا کہ اداکار شکیل کے جانے کا بہت دکھ ہے اور یہ ایسا نقصان ہے جو کبھی پورا نہیں ہو سکتا.