شارجہ جانے والی نجی ایئر لائن کے دو مسافروں میں کرونا کی تصدیق
شارجہ جانے والی نجی ایئر لائن کے دو مسافروں میں کرونا کی تصدیق
باغی ٹی وی : شارجہ جانے والی نجی ایئر لائن کے دو مسافروں میں کرونا کی تصدیق ہوئی ہے.
نجی ایئر لائن کاونٹر پر دونوں مسافروں میں کرونا رپورٹ مثبت آنے پر آف لوڈ کر دیا گیا۔ کرونا پازیٹو مسافروں میں عبدالمہر اور محمد اکرم شامل ہیں. دونوں مسافروں کا تعلق ڈیرہ غازی خان سے ہے۔
آف لوڈ کیئے جانے والے دونوں مسافروں کو گھر میں قرنطینہ ہونے کی ہدایات کے ساتھ واپس روانہ کر دیا گیا۔
واضح رہے کہ ملک بھر میں کورونا کے مزید 567 کیسز سامنے آ گئے، ایک روز میں 16 شہری وبا کے ہاتھوں جاں بحق ہو گئے۔
نیشنل کمانڈ اینڈ آپریشن سنٹرکے تازہ اعداد و شمار کے مطابق گذشتہ 24 گھنٹوں میں مزید 16 اموات ہوئیں جبکہ 567 نئے کیسزرپورٹ ہوئے، اس طرح مجموعی کیسز کی تعداد 3 لاکھ 23 ہزار 19 ہو گئی، کورونا سے اموات کی مجموعی تعداد 6 ہزار 654 ہو گئی۔
این سی اوسی کا کہنا ہے کہ سندھ میں مریضوں کی تعداد 1لاکھ 41 ہزار 713 ، پنجاب میں 1لاکھ1 ہزار 559 اور خیبرپختونخوا 38ہزار 598 تعداد ہے، اسلام آباد میں 17ہزار 996 اور بلوچستان میں 15ہزار 669، آزاد کشمیر 3 ہزار 437 اور گلگت میں 4047 تعداد ہو گئی، صحتیاب ہونے والوں کی تعداد 3 لاکھ 7 ہزار 069 ہوگئی ہے۔ گزشتہ 24 گھنٹوں میں 32 ہزار 62 ٹیسٹ کیے گئے۔
