شہباز شریف کی طرف سے رینجرز کی گاڑی پر حملے کی شدید مزمت

شہباز شریف کی طرف سے رینجرز کی گاڑی پر حملے کی شدید مزمت

باغی ٹی وی :پاکستان مسلم لیگ (ن) کے صدر اور قائد حزب اختلاف شہبازشریف کی گھوٹکی میں رینجرز کی گاڑی کے قریب دھماکے کی مذمت کی ہے ، دو اہلکاروں کی شہادت پر اظہار افسوس کیا ہے .

قائد حزب اختلاف کی شہید اہلکاروں کے اہلخانہ سے تعزیت اور ہمدردی کا اظہار بھی کیا ہے .اسی طرح‌ زخمی رینجرز اہلکار اور شہری کی جلد صحت یابی کی دعا بھی کی ہے . اللہ تعالی شہدا کے درجات بلند فرمائے اور لواحقین کو صبرجمیل دے۔ آمین

واضح رہے کہ گھوٹکی میں گھوٹا مارکیٹ کے قریب دھماکہ ہوا ہے، دھماکے کے نتیجے میں ایک شہری اور 2 رینجرز اہلکارشہید ہو گئے ہیں

ڈی ایس پی گھوٹکی نے گھوٹا مارکیٹ میں دھماکے کی تصدیق کردی، ڈی ایس پی گھوٹکی حافظ قادر کا کہنا تھا کہ دھماکے کے بعد پولیس نے علاقے کو گھیرے میں لے لیا ، دھماکے کی آوازدور دور تک سنائی گئی، پولیس اور قانون نافذ کرنے والے اداروں کی بھاری نفری موقع پر پہنچ گئی

دھماکے میں دو رینجرز اہلکاروں سمیت 3 افراد شہید ہو گئے ہیں، دھماکہ کیسے ہوا ابتدائی رپورٹ کا انتظار ہے،پولیس نے جائے وقوعہ کو سیل کر دیا ہے اور تحقیقات جاری ہیں، جائے وقوعہ سے شواہد اکٹھے کئے جا رہے ہیں

پولیس کے مطابق رینجرز اہلکار مارکیٹ میں گوشت خرید رہے تھے کہ اچانک دھماکا ہوگیا،دھماکے میں کچھ افراد زخمی بھی ہوئے ہیں جنہیں طبی امداد کے لئے ہسپتال منتقل کر دیا گیا ہے، لاشوں کو بھی ہسپتال منتقل کر دیا گیا ہے، رینجرز کی بھاری نفری بھی موقع پر پہنچ گئی ہے، بم ڈسپوزل اسکواڈ کو بھی طلب کر لیا گیا ہے

بریکنگ،امن دشمنوں کا ایک اور وار، دھماکے میں 2 رینجرز اہلکاروں سمیت 3 افراد شہید