شہزادہ ہیری اور انکی اہلیہ کا شاہی درجہ ختم کرنے کا باقاعدہ اعلان کر دیا گیا

برطانیہ کی شاہی خاندان نے اعلان کیا ہے کہ شہزادہ ہیری اور ان کی اہلیہ میگھن مارکل کی شاہی حیثیت ختم کردی گئی ہے

غیر ملکی ادارے کی رپورٹ کے مطابق بکنگھم پیلیس کی جانب سے جاری بیان کے مطابق شہزادہ ہیری اور ان کی اہلیہ میگھن کی شاہی حیثیت ختم کردی گئی ہے ان کو آزاد مستقبل کے فیصلے پر جنوبی لندن میں واقع رہائش گاہ کی تزئین و آرائش پر کئے گئےاخراجات ادا کرنے ہوں گے

اعلان میں کہا گیا چونکہ شاہی جوڑے کا شاہی درجہ ختم کردیا گیا ہے اور انہیں اپنے لیے ‘ہِز رائل ہائنس’ اور ‘ہَر رائل ہائنس’ کا خطاب بھی استعمال کرنے کی اجازت نہیں ہوگی

ملکہ برطانیہ ایلزبتھ نے بیان میں کہا کہ مجھے احساس ہے کہ گزشتہ دو برسوں کے دوران سخت جانچ پڑتال کے باعث مختلف چیلنجز کا سامنا کرنا پڑا اور آزاد زندگی گزارنے کی ان کی خواہش کی حمایت کرتی ہوں انہوں نے کہا البتہ ہیری، میگھن اور ان کا بیٹا آرچی ہمیشہ خاندان کا اہم حصہ رہیں گے

ملکہ برطانیہ نے میگھن کی تعریف کرتے ہوئے مزید کہا کہ جس تیزی سے میگھن ہمارے خاندان کا حصہ بنیں اس پر خاص طور پر مجھے فخر ہے

یاد رہے شہزادہ ہیری اور میگھن نے مئی 2018 میں شادی کی تھی ان کی شادی کی تقریب ونڈ کیسل میں منعقد ہوئی تھی

مادام تساؤ سے شہزادہ ہیری اور انکی اہلیہ کے مجسمے شاہی خاندان سے الگ کر دیئے گئے

بکنگھم پیلیس کے ترجمان کا کہنا تھا کہ دونوں میاں بیوی باقاعدہ طور ملکہ کی نمائندگی نہیں کرسکتے ہیں لیکن وہ جو کچھ بھی کریں گے اس میں شاہی اقدار اور رسم و رواج کو ملحوظ خاطر رکھیں گے

شاہی خاندان کی ذمہ داریوں سے عہدہ برآ ہونے کے بعد شہزادہ ہیری، عسکری سرپرستی اور دولت مشترکہ کے یوتھ ایمبیسڈر کا اعزاز بھی واپس کردیں گے

تاہم شاہی خاندان سے جاری بیان میں یہ واضح نہیں کیا گیا ہے کہ وہ سسکس رائل کا خطاب اپنی ویب سائٹ اور شناخت کے لیے استعمال کرسکتے ہیں یا نہیں

رپورٹ کے مطابق شاہی خاندان کے ذرائع کا کہنا تھا کہ شہزادہ ہیری کو سرکاری سطح پر مالی معاونت نہیں دی جائے گے لیکن ان کے والد اور خاندان کے وارث شہزادہ چارلس انہیں نجی سطح پر تعاون جاری رکھیں گے

ہیری بدستور شہزادہ رہیں گے اور دونوں میاں بیوی ‘ڈیوک’ اینڈ ‘ڈچس آف سسکس’ کا خطاب بھی رکھیں گے

واضح رہے کہ شہزادہ ہیری اور میگھن مارکل نے رواں ماہ 9 تاریخ کو شاہی حیثیت سے دستبردار ہونے کا اعلان کرتے ہوئے کہا تھا کہ وہ مالی طور پر خود مختار ہونے کے لیے عملی اقدامات کریں گے تاہم وہ ملکہ برطانیہ اور شاہی خاندان کی عزت و احترام کرتے رہیں گے

جس پر ملکہ برطانیہ نے اجلاس طلب کیا اور اس اجلاس کے بعد شہزادہ ہیری اور ان کی اہلیہ سابق اداکارہ میگھن مارکل کی جانب سے شاہی حیثیت سے دستبرداری کے فیصلے کی حمایت کرتے ہوئے کہا تھا کہ وہ جوڑے کی آزاد زندگی گزارنے کے فیصلے کی قدر کرتی ہیں