دبئی کے ولی عہد شیخ ہمدان بن محمد نے باضابطہ اعلان کیا ہے کہ 2023 سے دبئی میں روبوٹ ٹیکسیاں چلائی جائیں گی۔
باغی ٹی وی : غیر ملکی خبر رساں ادارے رائٹرز کے مطابق پیر کے روزشیخ ہمدان بن محمد نے اعلان کیا ہے کہ 2023 سے دبئی میں روبوٹ ٹیکسیاں چلائی جائیں گی یہ خودکار ٹیکسیاں کروز نامی کمپنی تیار کرے گی جس کی پشت پر ہونڈا اور جنرل موٹر جیسے ادارے شامل ہیں۔
Dubai will be the first city outside the US to operate self-driving @Cruise vehicles, in fulfillment of @HHShkMohd's vision for Dubai to become the best city for living and working. We aim to convert 25% of total journeys in Dubai to self-driving trips by 2030. pic.twitter.com/IEFv7zIzqO
— Hamdan bin Mohammed (@HamdanMohammed) April 12, 2021
شیخ ہمدان نے کہا کہ 2030 تک ، دبئی کا مقصد سالانہ 900 ملین درہم نقل و حمل کے اخراجات کو کم کرنا اور ماحولیاتی آلودگی کو سالانہ 12 فیصد کم کرنے میں 1.5 بلین درہم کی بچت کرنا ہے ، جبکہ ٹرانسپورٹ کے شعبے کو زیادہ موثر بناتے ہوئے سالانہ 18 ارب درہم معاشی محصولات میں اضافہ کرنا ہے۔
Dubai's vision for the future of autonomous driving aims to reduce transport costs by AED 900 million annually, save AED 1.5 billion annually by reducing pollution by 12%, and gain AED 18 billion in revenue yearly by increasing the efficiency of the sector – all by 2030.
— Hamdan bin Mohammed (@HamdanMohammed) April 12, 2021
توقع ہے کہ دوسال کے دوران دبئی کی سڑکوں پر اولین خودکار ٹیکسیاں دوڑیں گی۔ اگرچہ اس کے لیے حتمی تاریخ کا اعلان نہیں کیا گیا ہے لیکن واضح طور 2023 میں اس کا آغاز ہوگا۔
یاد رہے کہ کروز کمپنی نے پہلی مرتبہ 2019 میں روبوٹ ٹیکسیاں پیش کی تھیں جو فی الوقت سان فرانسسکو میں آزمائش سے گزررہی ہیں یہ ایک طرح کی ٹیکسی سروس ہوگی جس میں سواریاں کسی شٹل گاڑی کی طرح بیٹھ سکیں گے ہر کار میں اسٹیئرنگ نہ ہوگا اور نہ ہی کوئی پیڈل ملے گا۔ تاہم کروز کمپنی نے کہا ہے کہ 2030 تک ایسی 4000 ٹیکسیاں پورے دبئی میں دوڑ رہی ہوں گی۔
2022 میں جی ایم کمپنی کے ڈیٹرائٹ کارخانے میں دبئی کے لیے کاروں کی تیاری شروع ہوگی کوویڈ 19 کے تناظر میں روبوٹ ٹیکسیاں میں حفاظتی اقدامات متعارف کرائے گئے ہیں اور ہر چکر کے بعد گاڑی کو سینی ٹائز کیا جائے گا۔
تاہم اب دبئی حکومت نے 2030 تک 20 فیصد سواریوں کو خودکار بنانے کا منصوبہ تیار کیا ہے۔ ان میں ڈرون سواریاں اور وولوکاپٹر بھی شامل ہیں۔
لیکن اب تک یہ معلوم نہیں ہوسکا کہ خودکار ٹیکسیاں پیٹرول سے چلیں گی یا بجلی کے ذریعے دوڑیں گی تاہم اس کا فیصلہ بھی جلد ہی ہوجائے گا۔
