شیخ رشید کی بازیابی کے لیے مزید ایک ہفتے کی مہلت

عوامی مسلم لیگ کے سربراہ شیخ رشید کی گرفتاری کے خلاف لاہور ہائیکورٹ پنڈی بنچ میں سماعت ہوئی

آر پی او راولپنڈی سید خرم علی عدالت میں پیش ہوئے،آر پی او نےشیخ رشید کی بازیابی کے لیے مزید ایک ہفتے کی مہلت مانگ لی ،عدالت نے آر پی او کو ایک ہفتے کی مہلت دیتے ہوئے سماعت جمعہ تک ملتوی کر دی ،سماعت لاہور ہائیکورٹ پنڈی بنچ کےجسٹس صداقت کی خان نے کی

دوران سماعت شیخ رشید کے وکیل سردار عبدالرازق ایڈووکیٹ نے عدالت میں کہا کہ شیخ رشید کو پولیس اور سرکاری ایجنسیوں کے ہاتھوں اغوا ہوئے ایک ماہ اور تین دن ہوچکے ہیں،پاکستان کے آئین کے آرٹیکل 10 کے تحت کسی شخص کو بغیر تحریری وجوہات بتائے گرفتار نہیں کیا جا سکتا،گرفتاری کے بعد چوبیس گھنٹوں میں عدالت میں پیش کرنا ہوتا ہے، مجودہ صورتحال تقاضا کرتی ہے کہ وزیر اعظم پاکستان سیکریٹری دفاع اور آئی جی پولیس کو طلب کرکے پوچھا جائے کہ یہ ملک میں کیا ہورہا ہے ،سینئر سیاستدانوں اور پارلیمنٹرین کو اغوا کرکے حبس بیجا میں رکھ کر پریس کانفرنس کرنے پر مجبور کیا جاتا ہے ،کیا پاکستان میں آئین، قانون اور عدالتوں کی کوئی حثیت نہیں رہ گئی

جسٹس صداقت علی خان نے آر پی او سے استفسارکیاکہ آپ نے اتنے دنوں میں کیا پراگریس کی ؟ آر پی او نے کہا کہ میں شیخ رشید کی بازیابی کی کوشش کررہا ہوں ، عدالت نے کہا کہ آپ کی کوششیں نظر نہیں آرہیں ، شیخ رشید کے وکیل نےکہا کہ یہ شیخ رشید سے پریس کانفرنس کروانا چاہتے ہیں، عدالت نے کہاکہآخری موقع دے رہا ہوں اگر شیخ رشید کو برآمد نہ کیا تو سخت احکامات دوں گا ج،عدالت نے سماعت ایک ہفتے کے لئے ملتوی کردی

سپریم کورٹ پریکٹس اینڈ پروسیجر ایکٹ،بنچ تاخیرکا شکار

عدالت آنے والے لوگوں سے مہمان جیسا سلوک کریں،چیف جسٹس

چیئرمین پی ٹی آئی کی بیٹوں سے ٹیلیفونک ملاقات نہ کروانے پر سپرنٹنڈنٹ اٹک جیل …

خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

عوامی مسلم لیگ کے سربراہ شیخ رشید کو بحریہ ٹاؤن سے گرفتار کیا گیا تھا، شیخ رشید کی رہائی کے لئے عدالت میں درخواست دائر کی گئی ہے،شیخ رشید کو ابھی تک عدالت پیش نہیں کیا جا سکا ،پولیس کا کہنا ہے کہ شیخ رشید ہمارے پاس نہیں ہیں،عدالت نےآج تیسری بار شیخ رشید کی بازیابی کے لئے پولیس کو مہلت دی ہے،