شبلی فراز، عمران خان کے قائم مقام چیف آف سٹاف مقرر

پاکستان تحریک انصاف نے پی ٹی آئی رہنما اور سابق وفاقی وزیر شبلی فراز کو پی ٹی آئی چیئرمین عمران خان کا قائم مقام چیف آف سٹاف مقرر کر دیا .

پاکستان تحریک انصاف کے سیکریٹری جنرل اسد عمر نے شبلی فراز کی بطور قائم مقام چیف آف سٹاف کی تقرری کا نوٹیفیکیشن جاری کر دیا ہے، سبلی فراز غداری کے مقدمہ میں گرفتارشہباز گل کی ڈیوٹی پر واپسی تک چیئرمین پی ٹی آئی عمران خان کے چیف آف سٹاف کی حیثیت سے فوری طور پر فرائص سر انجام دیں گے.

یاد رہے کہ چیئرمین پی ٹی آئی عمران خان کے چیف آف سٹاف شہباز گل کو غداری کے مقدمہ میں حراست مین لیا گیا ہے اور ان سے تفتیش کا عمل جاری ہے ،

چیئرمین پاکستان تحریک انصاف عمران خان کے چیف آف اسٹاف شہباز گل کے جسمانی ریمانڈ سے متعلق تحریری فیصلہ سامنے آ گیا۔ڈیوٹی مجسٹریٹ ملک امان نے جسمانی ریمانڈ کا تحریری فیصلہ جاری کیا ہے، جس کے مطابق شہباز گل کا 2 روزہ جسمانی ریمانڈ منظور کیا جاتا ہے۔

تحریری فیصلے میں مزید کہا گیا کہ پولیس نے 48 گھنٹوں کے لیے شہباز گل کی جسمانی ریمانڈ کی استدعا کی۔ فیصلے میں یہ بھی کہا گیا کہ اسلام آباد پولیس مزید تحقیقات اور موبائل فون ریکور کرنا چاہتی ہے، اس دوران21 اگست کو کروائے گئے شہباز گل کے میڈیکل کی رپورٹ بھی عدالت میں جمع کرائی گئی۔