بالی وڈ ایکٹریس شلپا شیٹی نے اپنی حالیہ انسٹاگرام پوسٹ میں سوشل میڈیا کی نیگیٹیوٹی کی بات کی۔ انہوں نے کہا کہ سارے اداکار سوشل میڈیا پر ان کے خلاف ہونے والی نیگیٹیویٹی کو لیکر پریشان ہوجاتے ہیں لیکن میں زرا ایسی چیزوں کو نظر انداز کرنا ہی پسند کرتی ہوں ۔ انہوں نے کہا کہ مجھے لگتا ہے کہ ہم نے اپنی زندگیوں میں ان کو شامل کر لیا ہے جن کا ہماری زندگی میں ہونا نہ ہونا ایک برابر ہے ۔ شلپا شیٹی نے ایک سوال کے جواب میں کہا کہ جو لوگ مجھے سوشل میڈیا پر پیار دیتے ہیں میں بھی ان کو پیار دیتی ہوں انکی بات کا جواب بھی دیتی ہوں
لیکن جہاں مجھے لگتا ہے کہ سوشل میڈیا پر کوئی لائن کراس کررہا ہے تو میں اسکو نظر انداز کر دیتی ہوں۔ انہوں نے اپنی آنے والی فلم جو کہ سونل جوشی کی ہدایت کاری میں بنی ہے اس بارے بھی بات کی اور کہا کہ میری اس فلم میں کوشا کپیلا بھی ہیں ، یہ ایک پرجوش سکھی کی کہانی ہے جو کم عمر میں ہی جوگی سے محبت کرنے لگ جاتی ہے پھر وہ اس سے شادی کر لیتی ہے بیس سال کے بعد اسکو احساس ہوتا ہے کہ مجھے بیوی اور ماں بننے سے پہلے اپنی زندگی کو بھرپور طریقے سے انجوائے کرنا چاہیے تھا۔ اپنے خوابوں کو پورا کرناچاہیے تھا۔ شلپا شیٹی نے کہا کہ یہ فلم دیکھنے والوں کو نہ صرف پسند آئیگی بلکہ بہت سارے سوالات بھی اٹھائے گی۔
