پی ٹی آئی لانگ مارچ کے دوران تھوڑ پھوڑ کیس: شیخ رشید کی ضمانت قبل ازگرفتاری منظور

سیشن کورٹ اسلام آباد میں پی ٹی آئی لانگ مارچ کے دوران تھوڑ پھوڑ کیس کی سماعت ہوئی،جس میں سابق وزیرداخلہ شیخ رشید ، پی ٹی آئی رہنما شہریار آفریدی اور خرم نواز کی ضمانت قبل ازگرفتاری منظور کر لی گئی-

باغی ٹی وی : سیشن جج کامران بشارت مفتی نے پی ٹی آئی رہنماوں کی درخواست ضمانت پر سماعت کی،سیشن کورٹ لاہور نے پی ٹی آئی رہنماوں کی عبوری ضمانتیں منظور کرلیں سماعت میں یاسمین راشد ، سبطین خان ، اسلم اقبال ، محمود الرشید اورسعدیہ سہیل کی ضمانتیں منظور کی گئیں ثانیہ کامران ، زینب ،شیر اکبر ،میاں عاطف اور عمر آفتاب کی ضمانت منظور ہوئی پنجاب اسمبلی ہنگامہ آرائی کا مقدمہ تھانہ قلعہ گجر سنگھ پولیس نے درج کررکھا ہے-

لوڈشیڈنگ کرکے آخرت کی گرمی یاد نا کروائی جائے

پیشی کے دوران رہنما پی ٹی آئی یاسمین راشد نے کہا کہ ضمنی انتخابات صاف شفاف ہونے چاہیے، ہم ہر طرح سے تیار ہیں،الیکشن کمیشن کو پرانی ووٹوں لسٹوں پر انتخابات کروانے کی درخواست دی ہے-

سابق وزیرداخلہ شیخ رشید ، پی ٹی آئی رہنما شہریار آفریدی اور خرم نواز کی ضمانت قبل ازگرفتاری منظور کر لی گئی سیشن کورٹ اسلام آباد نے ملزمان کو 5،5 ہزار روپے کے ضمانتی مچلکے جمع کرانے کا حکم دیا تھانہ کوہسار میں شیخ رشید، مراد سعید، شہریار آفریدی سمیت دیگر پر مقدمہ درج ہے۔

پیشی کے دوران سابق وزیرداخلہ شیخ رشید نےسندھ بلدیاتی انتخابات پربات کرتےہوئے کہا کہ نوابشاہ سے بیلٹ باکس اور پریذائیڈنگ افسران اٹھاکے لے جاتے ہیں، لاہور اور فیصل آباد کے ضمنی انتخابات میں ذمہ داران بہتر انتظامات کریں، اگر 17 جولائی کو اسی طرح کی چور بازاری اور غنڈہ گردی ہوئی تو انارکی پھیلے گی ایسی صورتحال میں جمہوریت کو نقصان پہنچتا ہے، معیشت دم توڑ دے گی، ایم کیو ایم کو تو کل پتہ لگ جانا چاہیے تھا-

کورونا وائرس سے 2 مریض جاں بحق،384 نئےکیسز رپورٹ

شیخ رشید نے کہا کہ اے این پی کو پتہ لگ گیا ، بی اے پی کہیں دکھائی نہیں دے رہی، کراچی میں انتخاب ہوئے گولیاں چلی اور لوگ مرے ہیں، ضمنی انتخابات میں اگر کوئی ایسی صورتحال ہوئی تو 12 رکنی اتحاد ذمہ دار ہوگی ایک دن میں 2،2 عدالتوں میں جارہا ہوں، عالمی سازش سے عمران خان کے خلاف عدم اعتماد لایا گیا، عمران خان کی سیاست عدم اعتماد تحریک اور سازش سے بڑی ہے-

سابق وزیر داخلہ کے مطابق ایم کیو ایم نے کہا کہ سندھ کے انتخابات میں بیلٹ باکس اٹھا کر لے کر گئے، گزشتہ روز بھی سندھ میں انتخابات کے دوران2 افراد جاں بحق ہو گئے، 13 رکنی سازشی اتحاد حکومت میں ہے۔