پاکستان کرکٹ ٹیم کے مایہ ناز آل راؤنڈر اور سینئر کھلاڑی شعیب ملک کے ایک روزہ کرکٹ سے ریٹائرمنٹ کے اعلان پر ان کی اہلیہ ثانیہ مرزا جذباتی ہو گئیں اور انہوں نے سوشل میڈیا پر پیغام لکھتے ہوئے پاکستان کیلئے خدمات انجام دینے پر سراہا ہے.
‘Every story has an end, but in life every ending is a new beginning’ @realshoaibmalik 🙃 u have proudly played for your country for 20 years and u continue to do so with so much honour and humility..Izhaan and I are so proud of everything you have achieved but also for who u r❤️
— Sania Mirza (@MirzaSania) July 5, 2019
باغی ٹی وی کی رپورٹ کے مطابق شعیب ملک کی اہلیہ ثانیہ مرزا نے ٹویٹر پر ٹویٹ کرتے ہوئے لکھا ہے کہ ہرکہانی کا اختتام ہے، لیکن اس زندگی میں ہراختتام کی ایک نئی شروعات ہوتی ہے، شعیب آپ نے 20 سال تک اپنے ملک پاکستان کے لیے خدمات انجام دیں، آپ اسے عزت اورعاجزی کے ساتھ جاری رکھیں۔ آپ نے جو کچھ بھی حاصل کیا اس کے لیے مجھے اورازہان کو آپ پر فخر ہے، لیکن اس سے بھی زیادہ آپ جو ہیں ہمیں اس پرفخر ہے۔
شعیب ملک نے ورلڈ کپ کے موقع پر جون میں ہی اس اہم ایونٹ کے اختتام پر اپنی ریٹائرمنٹ کا اعلان کر دیا تھا. بنگلہ دیش کے خلاف کھیلا جانےو الا میچ ان کا ون ڈے کرکٹ کا آخری میچ تھا. اپنی ریٹائرمنٹ پر انہوں نے ساتھی کھلاڑیوں کا شکریہ ادا کیا تاہم اس صورتحال پر ان کی اہلیہ ثانیہ مرزا نے ٹویٹر پر جذباتی پیغام تحریر کیا اور اپنے جذبات کا اظہار کیا.
واضح رہے کہ شعیب ملک کا کہنا تھا کہ وہ اپنے کیرئر سے مطمئن ہیں اور ریٹائرمنٹ کے بعد اپنی فیملی کے ساتھ وقت گزاریں گے اور ٹی ٹونٹی کرکٹ کی طرف توجہ دیں گے. شعیب ملک کی ریٹائرمنٹ پر بعض ساتھی کھلاڑی بھی افسردہ نظر آئے.