شوہر نے بیوی کو ہتھوڑے کے وار کر کے قتل کر دیا

سائٹ ایریا میں شوہر نے بیوی کو تشدد کا نشانہ بنانے کے بعد بے دردی سے ہتھوڑے کے وار کر کے قتل کر دیا۔تفصیلات کے مطابق سائٹ اے تھانے کی حدود مستان چالی اکبر محلہ میں واقع گھر سے خاتون کی خون میں کے پت لاش کی اطلاع پر پولیس موقع پر پہنچی اور لاش کو ایمبولنس کے ذریعے عباسی شہید اسپتال منتقل کیا جہاں مقتولہ کی شناخت 35 سالہ پروین زوجہ عبدالستار کے نام سے ہوئی .
مقتولہ کے بھائیوں نے بتایا ہے کہ مقتولہ کا شوہر نشے کا عادی تھا، ملزم کام کاج نہیں کرتا تھا اس لئے گھر میں جھگڑے رہتے تھے، گزشتہ شب بھی نشہ نہ ملنے پر مقتولہ کا شوہر مشتعل تھا جسکے بعد وہ بیوی کو قتل کر کے موقع سے فرار ہوگیا، پولیس کو جائے وقوعہ سے خون آلود ہتھوڑا ملا ہے جسے پولیس نے تحویل میں لے لیا ہے۔ مقتولہ چار بچوں کی ماں تھی اور اس کا آبائی تعلق خیبر پختونخواہ سے تھا،ایس ایچ او ظفر علی شاہ کے مطابق ملزم نشے کا عادی اور مزدوری کرتا ہے،انہوں نے بتایا کہ ملزم عبدالستار کو اقبال مارکیٹ پولیس نے اورنگی ٹان سے گرفتار کر لیا ہے۔ملزم نے ابتدائی تفتیش میں بتایا ہے کہ اس نے شک کی بنا پر بیوی کوقتل کیا ہے۔