موٹروے زیادتی کیس کے مرکزی ملزم عابد ملہی کی گرفتاری پرشوبز ستاروں نے ملزم کو کڑی اور عبرتناک سزا دینے کا مطالبہ کیا ہے۔

باغی ٹی وی : لاہور موٹر وے پر خاتون کے ساتھ زیادتی میں ملوث مرکزی ملزم عابد ملہی کو دو روز قبل واقعے کے 33 دن بعد فیصل آباد کے علاقے مانگامنڈی سے گرفتار کیاگیا تھا ملزم کی گرفتاری پر فنکاروں نے حکومت سے مطالبہ کیا ہے کہ عابد ملہی کو عبرتناک سزا دی جائے جو مثال بنے-

عدنان صدیقی نے سماجے رابطے کی ویب سائٹ ٹوئٹر پر اپنے ٹوئٹ میں لکھا کہ لاہور موٹروے کا مرکزی ملزم پولیس کے جال میں ہے تو کیا ہم براہ کرم انصاف کو یقینی بنائیں گے۔ کہتے ہیں انصاف میں تاخیر کرنا انصاف کرنے سے انکار کرنا ہے۔

Now that the main accused of #lahoremotorway rape is in police net, may we pls ensure justice is time bound. As they say justice delayed is justice denied @imrankhanPTI. Exemplary punishment to the culprits to act as a deterrent to this heinous crime

— Adnan Siddiqui (@adnanactor) October 13, 2020

اداکار نے مطالبہ کیا کہ ملزم کو اس گھناؤنے جرم کی ایسی سزا دی جائے جو سب کے لیے عبرتناک مثال بنے۔

Over a month after the #motorwayrape, Abid Malhi, the primary accused in the case is finally under arrest.

The law must prevail – zero mercy!#motorwayincident #Punjab #Pakistan https://t.co/GqNkMUOdAy

— IqraAzizHussain (@iqraazizhussain) October 13, 2020

اداکارہ اقرا عزیز نے ٹوئٹر پر اپنے ٹوئٹ میں لکھا کہ موٹروے حادثے کے تقریباً ایک ماہ بعد بالآخر واقعے کا مرکزی ملزم عابد ملہی پولیس کی گرفت میں ہے قانون کو غالب آنا چاہئیے اور اس کے ساتھ بالکل بھی رحم دلی نہ برتی جائے۔

صنم سعید نے عابد ملہی کی گرفتاری پر شکرادا کرتے ہوئے اپنے ٹوئٹ میں لکھا انصاف غالب ہو اس طرح کے گھناؤنے کام کے لیے ملزم کے ساتھ کوئی رواداری اور رحم دلی نہ برتی جائے۔

Shukkar. May justice prevail. May this case set the tone from now on. Zero tolerance for such heinous acts. Whatever punishment is decided it must aim to be a major deterrent. May this case prove to be more effectively dealt with than cases in the past. https://t.co/3HKkjpgITb

— Sanam Saeed (@sanammodysaeed) October 12, 2020

صنم سعید نے کہا کہ جو بھی سزا کا فیصلہ ہوگا اس کا مقصد مزید اس طرح کے جرائم کی روک تھام ہونا چاہیئے۔ یہ معاملہ ماضی کے معاملات کے مقابلے میں زیادہ موثر ثابت ہو۔

واضح رہے کہ 33 روز قبل لاہور موٹر وے پر گوجرانوالہ کی رہائشی ثناء نامی خاتون کے ساتھ خوفناک واقعہ اس وقت پیش آیا جب لاہور موٹر وے پر اُن کی گاڑی کا پیٹرول ختم ہو گیا اس دوران ملزمان نے موقع کا فائدہ اٹھاتے ہوئے خاتون کی گاڑی کے شیشے توڑ کر انہیں گن پوائنٹ پر کھیتوں میں لے جا کر زیادتی کا نشانہ بنایا تھا-

عورت کو عزت اور مقام دینا چاہیے جس کی وہ حقدار ہے اعجاز اسلم

عورت کو عزت اور مقام دینا چاہیے جس کی وہ حقدار ہے اعجاز اسلم