شہرت حاصل کرنے کے بعد ہریتھک روشن کیوں رو ئے تھے؟

بالی وڈ انڈسٹری کے معروف اداکار ہریتھک روشن کے والد اور فلمساز راکیش روشن نے انکشاف کیا ہے کہ ہریتھک روشن کی بلاک بسٹر فلم ‘کہو نا پیار ہے’ کی کامیابی کے بعد ایک دن ہریتھک روشن رو پڑے تھے-

باغی ٹی وی :بھارتی میڈیا رپورٹس کے مطابق ایک انٹرویو کے دوران اداکار ہریتھک روشن کے والد اور فلمساز راکیش روشن نے بتایا کہ ہریتھک روشن کی بلاک بسٹر فلم ‘کہو نا پیار ہے’ کی کامیابی کے بعد ایک دن ہریتھک اپنے کمرے میں بیٹھا رو رہا تھا۔

راکیش روشن نے بتایا کہ جب میں نے ہریتھک سے رونے کی وجہ پوچھی تو اس نے کہا کہ مجھ سے شہرت نہیں سنبھل رہی لڑکوں اور لڑکیوں سے بھری بسیں صرف مجھ سے ملنے کے لیے آتی تھیں۔

راکیش روشن کا کہنا تھا ہریتھک نے بتایا کہ اس شہرت کی وجہ سے وہ کچھ سیکھنے، اداکاری اور اپنے کام پر توجہ نہیں دے پا رہے تھے۔

اس واقعے کے بعد فلمساز راکیش روشن نے اپنے بیٹے ہریتھک روشن کو نصیحت کی کہ زندگی میں کسی بھی آنے والی تبدیلی کو کبھی بھی بوجھ نہ سمجھو بلکہ اسے قبول کر کے اس میں ہی جینا سیکھو۔

خیال رہے کہ اداکار ہریتھک روشن جلد ہی اداکارہ دپیکا پڈوکون کے ساتھ فلم ‘فائٹر’ میں اداکاری کے جوہر دکھاتے ہوئے نظر آئیں گے-

سیف علی خان اورکرینہ کپور کی دوسری اولاد سے متعلق پنڈتوں کی حیران کن پیش گوئی

عامر خان نے موبائل فون کو ہاتھ نہ لگانے کی قسم کیوں کھائی؟