شمالی وزیرستان، دہشت گردوں کے خلاف گھیرا تنگ، 5 ہلاک،پاک فوج کا ایک جوان شہید

شمالی وزیرستان، دہشت گردوں کے خلاف گھیرا تنگ، 5 ہلاک،پاک فوج کا ایک جوان شہید

باغی ٹی وی کی رپورٹ کے مطابق شمالی وزیرستان کے علاقے میں دہشت گردوں کے ساتھ جھڑپ میں ایک فوجی جوان شہید جبکہ 5 دہشت گرد ہلاک ہو گئے

ڈی جی آئی ایس پی آر کے مطابق شمالی وزیرستان کے علاقے میرانشاہ سے 10 کلو میٹر مغرب میں دہشتگردوں نےسیکیورٹی چیک پوسٹ پرحملہ کیا،جس کے جواب میں سیکیورٹی فورس نے کاروائی کی جس کے نتیجے میں 5 دہشت گرد ہلاک ہو گئے ، سیکورٹی فورسز کے ساتھ فائرنگ کے مقابلے میں پاک فوج کا ایک جوان بھی شہید ہو گیا

ڈی جی آئی ایس پی آر کے مطابق پاک فوج کے 3 جوان زخمی بھی ہوئے جنہیں علاج کے لئے مقامی ہسپتال منتقل کر دیا گیا،دہشت گردوں کے ساتھ فائرنگ کے دوران حوالدار اکبر حسین خان شہید ہوئے جن کا تعلق آزاد کشمیر کے علاقے دھیر کوٹ تحصیل باغ سے ہے، شہید نے لواحقین میں دو بیٹے اور دو بیٹیاں چھوڑی ہیں.

سیکیورٹی فورسزنےعلاقے کو گھیرے میں لیکر سرچ آپریشن شروع کردیا