سیالکوٹ اورگردونواح میں موسلا دھار بارش

سیالکوٹ اور گردونواح موسلا دھار بارش نے جل تھل ایک کر دیا۔ بارش کے بعد سیالکوٹ تالاب کا منظر پیش کرنے لگا جس سے نظام زندگی بری طرح متاثرہے۔

ڈیفنس روڈ پر کئی کئی فٹ پانی کھڑا ہے، بس مین ہول میں گرنے سے ٹریفک کی روانی متاثر، جبکہ گاڑیوں کی لمبی قطاریں ہیں۔ میونسپل کا عملہ بھی منظر عام سے غائب ہے۔ خادم علی روڈ ،ریلوے روڈ ،گوہدپور ،ماڈل ٹاوَن ،نیکاپورہ اور مرادپور کے علاقے زیرآب آ چکے ہیں۔

علاوہ ازیں بارش کا پانی گھروں میں داخل ہو گیا ہے۔ شہری اپنی مدد آپ کے تحت پانی نکالنے پر مجبورہیں۔

دریں اثنا محکمہ موسمیات نے سیالکوٹ میں مزید بارش کی پیش گوئی کردی ہے۔