ورلڈ ہیڈر ایڈ

سیاسی شخصیات کا اعتراض، شاہ محمود قریشی کا حج کے بغیر واپسی کا فیصلہ

وزیر خارجہ شاہ محمود قریشی نے سعودی عرب سے پاکستان واپسی کا فیصلہ کیا ہے،

باغی ٹی وی کی رپورٹ کے مطابق دفتر خارجہ کے ترجمان کی جانب سے کہا گیا ہے کہ وزیر خارجہ نے پاکستان واپسی کا فیصلہ مقبوضہ کشمیر کی تشویشناک صورتحال کے پیش نظر کیا ہے، وزیر خارجہ شاہ محمود قریشی فریضہ حج کی ادائیگی کے لیے گزشتہ روز مکہ مکرمہ پہنچے تھے،

واضح رہے کہ بھارت کی طرف سے جموں‌ کشمیر کی خصوصی حیثیت والی دفعات ختم کرنے کے بعد بعض‌ سیاسی شخصیات اور دیگر مختلف حلقوں کی طرف سے سوشل میڈیا اور دیگر ذرائع سے اعتراض اٹھایا جارہا تھا کہ اس حساس موقع پر وزیر خارجہ کو پاکستان ہونا چاہیے تھا وہ حج پر کیوں گئے ہیں، مختلف لوگوں کے اعتراض اور سوشل میڈیا پر مہم چلائے جانے کی وجہ سے وزیر خارجہ شاہ محمود قریشی نے اپنی واپسی کو وزیر اعظم عمران خان کے حکم سے مشروط کیا اور کہا تھا کہ وہ پہلی مرتبہ حج پر آئے ہیں قسمت سے حج کیلئے بلاوا آتا ہے تاہم اگر ان حساس حالات میں انہیں واپس بلایا جاتا ہے تو وہ آ جائیں گے، رپورٹ کے مطابق شاہ محمود قریشی اب بغیر حج کئے واپس آر ہے ہیں،

جواب چھوڑیں

آپ کا ای میل ایڈریس شائع نہیں کیا جائے گا.