سندھ اسمبلی، جی ڈی اے کو بڑا دھچکا

سپریم کورٹ نے سندھ اسمبلی کے رکن معظم علی خان کو نااہل قرار دے دیا۔ حلقہ پی ایس 11 لاڑکانہ 2 میں دوبارہ انتخاب کروانے کا حکم۔
ممبر سندھ اسمبلی کی نااہلی سے متعلق درخواست پر فیصلہ محفوظ
باغی ٹی وی کی رپورٹ کے مطابق سپریم کورٹ میں انتخابی عذرداری کیس کی سماعت کی سماعت ہوئی جس میں عدالت نے محفوظ شدہ فیصلہ سنایا۔عدالت نے الیکشن ٹریبونل کے فیصلہ کو کالعدم قرار دیتے ہوئے ندا کھوڑو کی درخواست منظور کر لی۔
سپریم کورٹ نے الیکشن کمیشن کو معظم علی خان کو ڈی نوٹیفائی کرنے اور حلقہ پی ایس 11 لاڑکانہ 2 میں دوبارہ انتخاب کروانے کا حکم دیا۔

یاد رہے کہ کیس کی سماعت جسٹس عظمت سعید شیخ کی سربراہی میں تین رکنی بنچ نے کی۔سپریم کورٹ نے ممبر سندھ اسمبلی معظم علی خان کی نااہلی سے متعلق درخواست پر فیصلہ محفوظ کر لیاتھا۔

پیپلز پارٹی کی امیدوار برائے صوبائی اسمبلی ندا کھوڑو نے رکن سندھ اسمبلی معظم علی خان کے خلاف سپریم کورٹ میں الیکشن ٹریبونل کے فیصلے کے خلاف درخواست دائر کی تھی۔ جنوری 2019 میں الیکشن ٹربیونل نے معظم علی خان کے خلاف ندا کھوڑو کی درخواست مسترد کر دی تھی۔