ایک اور سیاسی جماعت کا الیکشن کمیشن سے بلے کے نشان کا مطالبہ

اسلام آباد: ٹیکنالوجی موومنٹ پاکستان نے الیکشن کمیشن آف پاکستان میں بلے کے انتخابی نشان کیلیے درخواست دائر کردی۔

باغی ٹی وی: تفصیلات کے مطابق بلے کے انتخابی نشان کے حصول کے لیے ایک اور رجسٹرڈ سیاسی جماعت ٹیکنالوجی موومنٹ پاکستان نے الیکشن کمیشن سے عام انتخابات کے لیے بلے کا انتخابی نشان مانگ لیا،اس حوالے سے ٹیکنالوجی موومنٹ پاکستان نے الیکشن کمیشن میں درخواست دائر کردی ہے۔

درخواست میں کہا گیا ہےکہ عام انتخابات میں ہمارے امیدوار حصہ لینا چاہتے ہیں، ہماری جماعت کو عام انتخابات کے لیے انتخابی نشان بلا الاٹ کیا جائے،ٹیکنالوجی موومنٹ پاکستان کا ترجیحی فہرست میں دوسرا انتخابی نشان لیپ ٹاپ ہے۔

اس سے قبل ایک اور سیاسی جماعت ہم عوام پاکستان پارٹی الیکشن کمیشن سے بلےکا انتخابی نشان دینے کا مطالبہ کرچکی ہے۔

نادرا کی جانب سے تیارکردہ انتخابی فہرستوں میں سنگین خامیاں

لکی مروت میں دہشتگردوں سے جھڑپ،2 جوان شہیدجبکہ 2 دہشتگرد ہلاک

یوکرینی صدر کا مغربی ممالک سے شکوہ