اسکائی ونگز ایوی ایشن اور ایئر کرافٹ آپریٹرز اینڈ اورنز ایسوسی ایشن نے خواجہ سعد رفیق کو وزارت ہوابازی کا قلمدان ملنے پر نیک خواہشات کا اظہار کیاہے-
کراچی: چیف آپریٹنگ آفیسر اسکائی ونگز ایوی ایشن عمران اسلم خان نے کہا کہ خواجہ سعد رفیق کو وزیر ہوابازی بننے پر مبارکباد پیش کرتے ہیں امید ہے خواجہ سعد رفیق ہوابازی کے شعبے کو درپیش چلینجز کو حل کرنے میں کامیاب ہوں گے-
انہوں نے کہا کہ وزیر ہوابازی سے توقع ہے کہ ہوابازی کے شعبے سے متعلق فیصلوں میں تمام اسٹیک ہولڈرز کو اعتماد میں لیکر ساتھ چلیں گے اور خواجہ سعد رفیق اپنی صلاحیت اور تجربے سے ہوابازی کی صنعت کے فروغ میں کردار ادا کریں گے-
چیف آپریٹنگ آفیسر اسکائی ونگز ایوی ایشن کا مزید کہنا تھا کہ ریلوے کی طرح ہوابازی کے شعبے کو بھی ترقی دلانے کے لیے خواجہ سعد رفیق کردار ادا کریں گے-
عمران اسلم خان نے کہا کہ اسکائی ونگز ایوی ایشن ہوابازی کے شعبے کی ترقی کے لیے وزیر ہوابازی کو اپنی ماہرانہ رائے و خدمات کے لئے حاضر ہے-
عثمان بزدار کو بطور وزیر اعلیٰ عہدے پربحال کرنےسےمتعلق درخواست نمٹادی گئی
دوسری جانب ایئرکرافٹ آپریٹرز اینڈ اونرز ایسوسی ایشن نے کہا کہ اس وقت ملک میں ہوابازی کے شعبے کو کئی چیلنجرز درپیش ہیں، امید کرتے ہیں خواجہ سعد رفیق ہوابازی کے شعبے کی بہتری کے لئے ایئر کرافٹ آپریٹرز اونرز ایسوسی ایشن سے مشاورت کریں گے-
ہوابازی کے شعبے کی بہتری کے لیے تمام کاوشوں کو ویلکم کریںگے، نئے وزیر ہوا بازی بالخصوص جنرل ایوی ایشن سے متعلق پالیسیوں اور فیصلوں سے متعلق اعتماد میں لینگے ہم وزہرہوابازی خواجہ سعد رفیق کو ہر ممکن تعاون کی پیشکش کرتے ہیں، ایئرکرافٹ آپریٹرز اینڈ اونرز ایسوسی ایشن
ایئرکرافٹ آپریٹرز اینڈ اونرز ایسوسی ایشن کا کہنا تھا کہ ایسی پالیسیاں متعارف کرائی جائیں جس سے اہوی ایشن سیکٹر میں نئے سرمایہ کاری میں اضافہ ممکن ہو، ہوابازی کے شعبے کے فروغ سے ملک میں نئی ملازمتیں بھی پیدا ہونگی-