اسلام آباد ہائیکورٹ نے وائس چیئرمین پی ٹی آئی شاہ محمود قریشی کی سائفر کیس میں دستاویزات فراہمی اور ضمانت کی درخواست ایک ساتھ سماعت کے لئے منظور کرلی ہیں جبکہ اسلام آباد ہائی کورٹ میں سابق وزیرخارجہ شاہ محمود قریشی کی سائفر کیس ٹرائل سے متعلق دستاویزات فراہمی کی درخواست پر سماعت ہوئی ہے اور چیف جسٹس اسلام آباد ہائیکورٹ جسٹس عامر فاروق نے سماعت کی ہے.
واضح رہے کہ چیف جسٹس نے ریمارکس دیئے کہ ضمانت کی درخواست پر نوٹس کر دیئے تھے، اس درخواست پر رجسٹرار آفس کے اعتراضات ہیں، ایف آئی آر اور چالان کی مصدقہ کاپیاں لف نہیں کی گئیں اور جسٹس عامر فاروق نے کہا کہ فیصلے میں لکھا ہے کہ ملزم کا کوئی حق ختم نہ کیا جائے، سب کیلئے یہی کہا ہے کسی قاعدے قانون کے تحت ہی ٹرائل جانا ہے، درخواست پر اعتراضات دورکررہے ہیں۔
خیال رہے کہ شاہ محمود قریشی کے وکیل نے عدالت سے استدعا کی کہ اس درخواست کو ضمانت کی درخواست کے ساتھ سماعت کیلئے رکھ لیں اور عدالت نے شاہ محمود کی استدعا منظور کرتے ہوئے سماعت آئندہ ہفتے تک ملتوی کردی۔