نئی دہلی: بھارتی ریاست اتر پردیش میں بھارت میں سانپ کے ڈسنے سے مرنے والے اپنے بھائی کی آخری رسومات میں شرکت کے لیے آنے والا شخص بھی سانپ کے کاٹنے سے ہلاک ہو گیا۔
باغی ٹی وی :بھارتی میڈیا کے مطابق یہ افسوس ناک واقعہ ریاست پنجاب کے گاؤں بھووانی پور میں پیش آیا پولیس کے مطابق مطابق 22 سالہ گوند مشرا سانپ کے کاٹنے سے مرنے والے بڑے بھائی 38سالہ آروند مشرا کی آخری رسومات میں شرکت کیلئے بھون پور آیا تھا۔
پولیس کے مطابق گووند مشرا اپنے قریبی عزیز چندر شیکھر کے ہمراہ لدھیانہ سے اپنے بھائی کی آخری رسومات میں شرکت کیلئے آیاتھا، رات کے وقت دونوں ایک ہی گھرمیں سو رہے تھے کہ سانپ نے انہیں کاٹ لیا۔
دونوں کو تشویشناک حالت میں اسپتال منتقل کیا گیا جہاں ڈاکٹروں نے گووند مشرا کی موت کی تصدیق کی جبکہ چندر شیکھر حالت خراب ہونے کی وجہ سے وہ اسپتال میں داخل ہے۔
قبل ازیں بھارتی ریاست بہار میں رکشہ بندھن کے تہوار کے موقع پر بھی سانپوں کے کاٹنے سے سانپ پالنے کے شوقین 25 سالہ نوجوان کی موت ہوئی تھی سانپوں کا شوقین اور ان کے زہر کا علاج کرنیوالا 25 سالہ من موہن اپنی بہنوں سے سانپوں کی جوڑی کو راکھی بندھوا رہا تھا۔
من موہن نے دو سانپوں کو بیک وقت پکڑ رکھا تھا جب کہ راکھی بندھواتے وقت اس کی بہن جب ایک سانپ کو ماتھے پر ٹیکا لگارہی تھی اسی وقت دوسرا سانپ آہستہ سے رینگتا ہوا آیا اور من موہن کے پاؤں کے انگوٹھے پر ڈس لیا تھا جس سے من موہن ہلاک ہو گیا تھا من موہن زخمی سانپوں کو پکڑا کرتا تھا اور ان کی دیکھ بھال کرتا تھا، اس کے علاوہ وہ سانپ کے ڈسے ہوئے لوگوں کا بھی علاج کرتا تھا۔
