صوبائی وزیر کرونا کو شکست دینے میں کامیاب

صوبائی وزیر کرونا کو شکست دینے میں کامیاب
وزیر توانائی پنجاب ڈاکٹر اختر ملک کرونا کو شکست دینے میں کامیاب ۔ کرونا سے متاثرہ وزیر توانائی پنجاب ڈاکٹر اختر ملک کی ٹیسٹ رپورٹ منفی آگئی۔وزیر توانائی کرونا کو مات دیکر صحت یاب ہو گئے۔اختر ملک نے کہا کہ لوگوں کی دعاؤں اور نیک خواہشات کا شکر گزار ہوں۔اللہ تعالی نے کرم کیا، صحت یاب ہو گیا ہوں ۔عوام وائرس کو سنجیدہ لیں ، احتیاط یقینی بنائیں۔
واضح رہے کہ تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 938 نئے مریض سامنے آئے، پنجاب میں 27 ہزار 850، سندھ میں 29 ہزار 647، خیبر پختونخوا میں 10 ہزار 485، بلوچستان میں 4 ہزار 514، گلگت بلتستان میں 738، اسلام آباد میں 2 ہزار 893 جبکہ آزاد کشمیر میں 271 مریض ہیں

پاکستان میں اب تک 5 لاکھ 77 ہزار 974 افراد کے ٹیسٹ کئے گئے، گذشتہ 24 گھنٹوں کے دوران 16 ہزار 548 نئے ٹیسٹ کئے گئے، اب تک 27 ہزار 110 مریض صحتیاب ہوچکے ہیں جبکہ کئی مریضوں کی حالت تشویشناک ہے جنہیں وینٹی لیٹر پر رکھا گیا ہے