سوڈانی جنرل عبدالفتاح البرھان نے کہا کہ سوڈان کی فوجی عبوری کونسل اور فریڈم فورسز کے درمیان طے پائے سمجھوتے پر ہر صورت میں عمل کیا جائے گا۔
تفصیلات کے مطابق خرطوم میں ایک پریس کانفرنس سے خطاب میں جنرل البرھان نے کہا کہ سوڈانی قوم نے تاریخ دہرا دی ہے۔ فوج اور سویلین کی شراکت اقتدار ملک میں امن وانصاف کی منزل تک پہنچنے کا اعلان ہے۔
خیال رہے کہ سوڈان کی حکمران عبوری فوجی کونسل، اپوزیشن اتحاد اور مظاہرین گروپوں کے درمیان انتخابات سے قبل کی عبوری مدت کے لئے اختیارات کی تقسیم کا ایک معاہدہ طے پایا تھا۔
واضح رہے کہ رواں ہفتے ایتھوپیا اور افریقی یونین کے نمائندوں کی جانب مصالحت کی کوششوں کے بعد سوڈان میں مذاکرات کا سلسلہ ایک بار پھر شروع ہواتھا جس میں ڈیڈ لاک کے خاتمے لئے تجاویز کا مسودہ پیش کیا گیا۔ اورایک معاہدہ طے پا گیا تھا.
سوڈان کی فوج نے ملک گیر احتجاج کے بعد عمر البشیر کو اقتدار سے معزول کر دیا، تاہم انھوں [فوج] نے اقتدار سول انتظامیہ کے حوالے کرنے سے انکار کر دیا۔
