صومالیہ، امریکی فوج کا الشباب عسکریت پسند پر فضائی حملہ

امریکی فوج نے صومالیہ کے شہر قونیو بیرو کے نواح میں الشباب کے عسکریت پسند کو ایک فضائی حملہ کے دوران نشانہ بنایا جس سے وہ جاں بحق ہو گیا۔

غیر ملکی خبررساں ایجنسی اے پی کے مطابق یوایس افریقہ کمانڈ نے فضائی حملہ صومالیہ کی وفاقی حکومت کے تعاون سے کیا گیا۔

کمانڈ نے کہا کہ ایسا لگتا ہے کہ اس چھاپے میں کوئی شہری زخمی یا ہلاک نہیں ہوا ہے۔

کمانڈ کے آپریشنز کے ڈائریکٹر میجر جنرل ولیم گیلر نے کہا کہ جب تک الشباب کی لڑائی جاری ہے صومالیہ کی حمایت جاری رہے گی۔

یاد رہے کہ گذشتہ ہفتے الشباب نے صومالیہ کے شبیلی علاقے میں ایک فوجی اڈے پر حملہ کیا تھا۔ الشباب کے دعوی کے مطابق اس حملہ 50 فوجی ہلاک جبکہ اس کے دو جنگجو جان کی بازی ہار گئے تھے۔