بھارت، سونیا گاندھی کانگریس پارلیمانی بورڈ کی لیڈر منتخب

بھارت میں‌ ترقی پسند اتحاد (یو پی اے) کی سربراہ سونیا گاندھی کو کانگریس پارلیمانی بورڈ کا لیڈر منتخب کر لیا گیا ہے۔

باغی ٹی وی کی رپورٹ کے مطابق ہفتہ کے دن کانگریس کے نومنتخب اراکین پارلیمنٹ کی میٹنگ ہوئی جس میں‌ سونیا گاندھی کو اتفاق رائے سے لیڈر منتخب کیاگیا ہے. کانگریس کے میڈیا انچارج رندیپ سنگھ سورجے والانے کہا ہے کہ سونا گاندھی 16ویں لوک سبھا میں بھی پارلیمانی بورڈ کی لیڈر تھیں۔

کانگریس میڈیا انچارج نے کہاکہ سونیا گاندھی نے بھارت کے 12.25 کروڑ رائے دہندگان کا شکریہ ادا کیا جنہوں نے کانگریس پر اعتماد کیا۔
یاد رہے کہ بی جے پی حالیہ الیکشن بھاری اکثریت سے جیتی ہے اور نریندر مودی اور ان کی کابینہ نے دوبارہ حلف اٹھا لیا ہے.
Read more at http://www.uniurdu.com/news/national/story/1617660.html#OxfSdLDZSMrwETgF.99