اسپیکر پنجاب اسمبلی چوہدری پرویز الٰہی نے کرونا کے پیش نظر اہم اقدامات سے آگاہ کردیا
اسپیکر پنجاب اسمبلی چودھری پرویزالٰہی سے کینڈین ہائی کمشنر محترمہ وینڈی گلمور (Ms. Wendy Gilmour) کی ملاقات ،ملاقات میں موجودہ سیاسی صورتحال اور باہمی دلچسپی کے امور پر تبادلہ خیال کیا گیا ،کینیڈین ہائی کمشنر نے چودھری شجاعت حسین کی خیریت بھی دریافت کی ،اس موقع پر فرسٹ سیکرٹری اور پولیٹیکل آفیسر Ms. Jenilee Ward اور کینیڈا کے اعزازی قونصل جنرل لاہور یاور علی بھی موجود تھے
اسپیکر پنجاب اسمبلی نے کہا کہ کورونا کی دوسری شدید لہر سے پاکستان سمیت پوری دنیا لپیٹ میں ہے، احتیاط ضروری ہے،پاکستان اور کینیڈا کے درمیان ہمیشہ دوستانہ تعلقات رہے ہیں ،گجرات سمیت پاکستانیوں کی ایک بڑی تعداد کینیڈا میں آباد ہے، اوورسیز پاکستانی کینیڈا کی ترقی میں اہم کردار ادا کر رہے ہیں,دونوں ممالک کے درمیان تعلقات کو فروغ دینے کیلئے رابطہ عوام مہم کو مزید فروغ دینے کی ضرورت ہے،کورونا کے پیش نظر تعلیمی اداروں میں آن لائن کلاسز کا آغاز کر دیا گیا ہے، تفریحی مقامات اور میرج ہال بند کر دئیے گئے ہیں:
مزدوروں کیلئے کام بند نہیں کیا جا رہا تاکہ صنعت کا پہیہ چلتا رہے اور ہر کسی کو روزگار کے مواقع ملتے رہیں،
کینیڈین ہائی کمشنرنے کہا کہ کینیڈا صحت اور تعلیم کے شعبہ میں پاکستان کے ساتھ تعاون کو بڑھا رہا ہے،پاکستان اور کینیڈا کے درمیان ہمیشہ مثبت تعلقات رہے ہیں،رابطہ عوام مہم کو مزید بڑھانے کا بہترین ذریعہ سیاحت کو فروغ دینا ہے، کینیڈین شہریوں سے شادی کی صورت میں بچوں کے مسائل کے حل اور پاکستانی کمیونٹی کے ساتھ تعاون کیلئے راہ ہموار کی جائے:
