شاہ رخ خان کا سلمان خان کے نام ایک اعزاز

بالی وڈ اداکار شاہ رخ خان جو ہر چند دن کے بعد اپنے مداحوں کے ساتھ ٹویٹر پر گفتگو کا ایک سیشن رکھتے ہیں ۔ آسک ایس آر کے میں وہ اپنے مداحوں کے مختلف سوالوں کا جواب دیتے ہیں۔ فلم پٹھان کی کامیابی کے بعد شاہ رخ خان نے ٹویٹر پر آسک ایس آر کے کا ایک سیشن رکھا جس میں ان کے مداحوں نے مبارکباد دینے کے ساتھ سوالات کئے۔ بالی وڈ کے کنگ کے ایک مداح نے ان سے کہا کہ پٹھان تو ہٹ ہو گئی ہے لیکن آپ باکس آفس پر سلمان خان کا مقابلہ نہیں کر پائیں گے جس پر شاہ رخ خان جواب دیا کہ سلمان خان تو گریٹسٹ آف آل ٹائم ہیں ، میں ان کا مقابلہ بھلا کیسے کر سکتا ہوں ۔ یاد رہے کہ شاہ رخ خان اور سلمان خان کی آپس میں کافی دوستی ہے ، لیکن ایک وقت ایسا بھی تھا جب ان دونوں کے درمیان کئی برس تک تعلقات خراب رہے لیکن ان کی

صلح بھی ہو گئی لیکن اب ایسا لگتا ہے کہ شاہ رخ خان اور سلمان خان کی دوستی گزرتے وقت کے ساتھ ساتھ گہری ہوتی جا رہی ہے۔ شاہ رخ خان کی اس سال دو مزید فلمیں ریلیز ہونے جا رہی ہیں اور سلمان خان کی کسی کا بھائی کسی کی جان ریلیز ہونے جا رہی ہے شاہ رخ خان کی فلم پٹھان نے تو کامیابی کے نئے ریکارڈز قائم کر دئیے ہیں دیکھنا یہ ہے کہ بالی وڈ کا بھائی سلمان کی فلم کسی کا بھائی کسی کی جان شائقین کو کتنا متاثر کرتی ہے ۔